CHAPTER 46
PASILIP-silip si Larrah sa laptop ni Ghuix habang nakatunganga iyon doon at parang hindi siya napapansin. Sinisilip niya ang laman ng USB nito tungkol sa kasong hawak ngayon. Gusto niya kasing maglambing. Aakitin niya sanang mamasyal sila kahit gabi na, kaya lang naman ay mukhang mas busy pa ito kaysa sa ipis sa madaling araw na naghahanap ng pagkain sa ilalim ng lababo at sa mga sulok ng hanging cabinets.
Naupo na lang siya sa armrest ng upuan nito at nakiusyoso.
“Still not sleepy?” Hinaplos niya ito sa buhok at kaagad na napaungol naman.
Tumingala ito sa kanya saka niyakap siya sa baywang. Saglit itong sumandal at bumuntong hininga.
“’Di pa ako inaantok. Malapit na ang bakasyon. Halos wala na rin kaming lessons, more on assists na lang. ‘Di tayo pwedeng magbakasyon pagka
