CHAPTER 15
WALANG tigil ang paghagulhol ni Larrah habang hinihilot ang paa niya sa loob ng isang clinic na pinagdalhan sa kanya ni Ghuix.
Isang magaling na therapist ang gumagawa noon sa kanya kasi kaya naman daw na hilutin at huwag ng isemento ang sabi ng orthopedic doctor na um-examin sa paa niya kanina nang dumating sila. Isa pang rason ni Ghuix ay hindi talaga pwedeng isemento dahil malapit na ang kasal nila at asang-asa na talaga na magpapakasal pa rin siya rito.
Tulo ang sipon niya kasi masakit talaga habang ang Inspektor ay nakasandal sa pader at magka-krus ang mga braso sa dibdib. Para itong model na kukuhanan ng litrato sa pagkakatindig, pero ang mga mata nito ay nagbabaga sa pagkakatingin sa lalaking P.T. at hindi niya alam kung bakit.
"Konti na lang po Ma'am." sabi ng therap
