CHAPTER 12
MARIIN ang pagkakapikit ni Larrah habang pilig ang ulo. Iniiwas niya ang mukha sa kaharap na poging ipis na matulis. Kahit na sa kabilang parte ng utak niya ay inaasam niya ang first kiss ay umiwas pa rin siya kaya napilitan si Ghuix na ilayo ang mukha sa kanya matapos siyang pakatitigan nang husto.
Haaay! Buo pa ba ako? Tunaw na yata ako.
Napahagikhik pa siya kaya parang nangunot ang noo ni Ghuix sa reaksyon niya.
Kinikilig kasi siya. Iyong kamuntikan lang na mahalikan siya ay history na, kaya lang ay huwag na muna kasi hindi pa siya handa. May Venusa Medusa pa ito kaya manigas na muna ang ipis na ito sa pag-aasam na makakuha ng unang halik niya.
"Di pa po ba kayo babalik sa opisina? Baka po naghihintay na si love sa inyo." sabay irap niya at pinilit na maglakad kahit na a
