Chapter 31
Hindi naman sumunod si Nexus kay Nathalia sa kwarto nila. Buti naman, naisip niya. Umiiral na naman kasi ang pagiging isip-bata niya at malamang awayin lang niya ang asawa dahil sa nangyari. Napuno ng hinanakit ang puso niya.
Hinanakit ba o selos?
Hindi niya mapigilan. Naiinis siya sa babaeng iyon na para bang iba ang pakahulugan ng mga salita. Pati bata ay ginagamit na paraan para lang mabawi si Nexus sa kanya.
Iyong isang lalaki naman, malandi!
Ewan!
Pagkatapos niyang maligo at magbihis ay nagbasa na lang siya ng libro habang nakadapa sa kama. Ilang oras siyang ganoon at maya’t maya ay napapaidlip siya hanggang sa pumasok na lang ang asawa niya kaya ibinaling niya pakabila ang mukha nang makita niya na naghuhubad ito ng damit.
Hmmp!
Patingin-tingin ito sa kanya alam
