CHAPTER 48
PAGGISING ni Yza ay wala na si Adam. Inaasahan na niya iyon pero masakit pa rin pala talaga na sa pagmulat ng kanyang mga mata ay hindi niya makikita ang asawa niya.
Nanubig kaagad ang mga mata niya at tumulo ang mga ang mga luha sa kanyang pisngi pero pinahid niya rin kaagad ang mga iyon.
Wala na ang asawa niya pero ang naiwan ay ang munting kirot sa kanyang katawan. Huli na nga ba nila iyong kagabi?
Walang nakakaalam.
Gusto niya ng panghabambuhay na pagnamahal sa piling niyon pero ayaw niyang matali habambuhay sa taong hindi kayang magtiwala sa katapatan ng pagmamahal niya. Isa pa ay nasaktan siya sa mga rebelasyon na inamin nito para lang makuha siya ay nagawang magpasakit ng ibang tao, pero di naman pala siya kayang panindigan.
Alam na niya. Pinakikiusapan siya ni Ada
