CHAPTER 52
DIRETSO na sa branch five si Yza pagkatapos niyang makausap si Adam pero ilang oras na ang nakalilipas ay hindi pa rin humuhupa ang inis niya. Parang sasabog siya sa pinaghalu-halong inis, selos, hinanakit at pagmamahal. Hindi niya alam kung bakit ganoon ang nararamdaman niya pero parang hinahatak siya ng mga paa niya pabalik doon sa main building para walang tigil na sampalin iyon.
Pakiramdam niya ay kulang ang tangka niyang pagbato roon ng vase.
Inis na pumangalumbaba siya sa mesa at naiiyak na naman siya kaya sinabunutan niya ang kanyang sarili.
“Okay ka lang, bf?” tanong sa kanya ni Tiffany na nasa kabilang mesa. Natigilan pa iyon pero umiling siya nang sunud-sunod.
“Hindi ako okay. Maling-mali na pumunta ako roon sa office niya. I was so—disgusted. Naiinis ako kasi wa
