Chapter 12
Bumaba na si Nathalia sa wakas matapos ang tatlong araw na pamamahinga. Hindi na siya nakakapasok sa eskwelahan pero mukhang si Nexus na naman ang nag-asikaso para ma-excuse siya roon. Malapit na rin ang OJT nila kaya kailangan na niyang mag-asikaso ng sarili niya.
“Nathalia, anak. Kaya mo na?” nakangiting bungad ng Manang niya sa kanya nang makababa siya ng hagdan.
May bitbit na itong tray ng gatas at pagkain para yata ihatid sa kanya sa kwarto pero imbes na sagutin niya ang matanda ay niyakap niya ito at hinalikan sa magkabilang pisngi.
“Ano ka bang bata ka? Amoy akong ginisa. Nanghahalik ka pa.” nangingiting sabi niyon sa kanya.
“Lola, salamat po kasi hindi niyo ako pinabayaan. Sasabihin ko po kay Sir Nexus na ‘wag kayong palalabasin kasi baka saktan kayo ni Vince. Dito
