Chapter 18
Tuluy-tuloy na pumasok si Nathalia sa loob ng mansyon mag-aalas diyes ng gabi. Kanina nang makita niya si Nexus sa opisina at ang bata saka si KC, tumakas siya kaagad papunta sa puntod ng ama niya para makapag-isip. Pero heto at umuwi rin naman siya dahil natakot siya nang makita si Vincent na pangisi-ngisi sa may di kalayuan. Sinundan yata siya ng lalaki na ‘yon. Buti na lang may mga tao sa sementeryo kaya yata hindi makalapit. Nagpalipas lang siya ng oras at inilubog ang sarili sa malalim na pagbuo ng desisyon tungkol sa kasal.
Napatigil siya sa paghakbang at laking gulat niya nang makita na walang kaayusan ang kabuuan ng salas at parang may nagwalang sampung lasing na tambay sa dami ng kalat at nagkasira-sirang mga bagay. May mga nabasag na gamit at nakakalat pa iyon sa sah
