Fifteen
Sa totoo lang tinatanong ko ang Papang ko kung may contact ba s'ya sa 'asawa' ko. Pero tikom ang bibig nito. Gusto ko ngang makilala ito at personal na makausap tungkol sa atraso ng tatay ko sa kanya. Na baka pwedeng hulog-hulugan ko na lang tutal naman ay may trabaho na ako. Baka sakaling pumayag ito na makipaghiwalay na sa akin. Wala rin namang pinatutunguhan ang 'kasal' na nagtatali sa akin sa taong iyon.
Maaga akong umakyat ng silid ko. Nagsabi na ako sa kanila na 'wag akong iistorbuhin. Buo na ang loob ko, gusto ko ng anak kahit wala ng asawa. Anak lang talaga. Kung maibibigay ni L.A iyon, mas mabuti. Bahala sa buhay 'yong asawa kong hilaw. Baka nga uugod-ugod na iyon. Sayang naman ang puri ko kung ibuburo ko, diba? Lalo't noong nakita ko ito, oo mukhang bata pa ang pangang
