“MAY IPAPAKITA ako sa `yo,” wika ni Patrice kay Ezekiel. Kagagaling lang nila sa simbahan para sa final rehearsal ng kasal nila. Nasa loob na sila ng sasakyan at pauwi na. Nasa ayos na ang lahat hanggang sa kaliit-liitang detalye ng kasal. At sa isang araw ay tuluyan na siyang magiging asawa ni Ezekiel Moreno.
“Ano iyon?” nakangiting tanong nito. His dimple was showing and he was so charming.
Mula sa loob ng shoulder bag, inilabas niya ang isang picture nito na ibinigay nito sa kanya twelve years ago. “Iyan ang…” Hindi na nito naituloy ang sasabihin dahil kumunot na ang noo nito. “Nilagyan mo ng mga sungay at pangil ang picture ko?” anito nang tingnan siya.
Natawa siya. Noong galit na galit kasi siya rito noon, napagdiskitahan niya ang picture nito. Naitabi pala niya iyon sa mga gamit n
