WHERE is he? Kakagising lang niya ng hapon na ‘yon. Hindi niya talaga natantya ang haba ng tulog niya. Tatlong oras din siyang nakatulog nang mahimbing, sapat para maramdaman niyang kahit papaano ay nakabawi na siya sa ilang gabi ng puyat. Ilang araw na rin kasi siyang halos hindi nakakatulog nang maayos, at kung ano man ang dahilan ng pagpupuyat niya, iyon din ang dahilan kung bakit masakit pa rin ang katawan niya hanggang ngayon. Well, hindi naman ganoon kasakit kumpara noong una. Kaya lang, ramdam pa rin niya ang kirot tuwing kikilos siya nang biglaan. Paika-ika pa nga siya kung minsan. Pinipilit lang niyang hindi mahalata ni Manang Celis at ng anak nitong si Tammy, ang dalagang laging nasa paligid at palangiti.
Habang bumababa siya ng hagdan, dahan-dahan ang bawat hakbang. Huminga siy
