Chapter 34 ~ Argument ~
Charlly's POV
Pinitik ko sa braso si Koya Nathaniel. Nagbabakasakaling magigising sya. Napabuga ako ng hangin nang walang epekto iyon.
"Tulog pa rin?" sabi ni Martin na kakaupo lang sa tabi ko. May nakasabit sa leeg nyang twalya na naging palatandaan na lang sa akin na tapos na syang maligo.
"Wala talaga," sabi ko at umusog ng kaunti palayo sa natutulog na si Koya Nathaniel. "Ayaw talagang magising."
"Sigawan mo sa tainga, baka magising," suggest nya.
Lumapit ako kay Koya Nathaniel. Kinanta ko ang Blank Space ni Taylor Swift sa may tainga niya. Nakasimangot na nilingon ko si Martin.
"Tulog pa rin, e."
"Nilason na yata iyan ni Soy, e," sabi nya habang napapakamot sa may batok.
"Malabo," sabi ko at dumapa na lang sa kama.
"Ang tagal nyang natutulog, e."
