Pag-uwi sa bahay ni Mark kinabukasan naabutan niyang naghihintay sa kanya ang mama niya.
"Mark, where have you been? Hindi ka raw umuwi kagabi sabi ni Manang?" agad na bungad nito bago yumakap at humalik sa kanya.
"What brought you here, Ma?" nakangiting tanong niya habang paupo sa sofa.
"Ano ba namang klaseng tanong 'yan anak? Wala ba akong karapatang bisitahin ang anak ko?" nakataas pa ang kilay na sabi nito.
Napangiti na lang si Mark."Come on, Ma, hindi mo ko bibisitahin kung walang dahilan."
Gumuhit ang nakakalokong ngiti sa labi ng mama niya."Ikaw talaga anak, kabisadong-kabisado mo na talaga ako," anito na tumayo at tumabi sa kanya.
"May gusto akong ipakilala sa'yo. Maganda 'yun anak," excited pang sabi nito.
Napakunot naman ang noo niya."Ma, sabi ko naman sa'yo tigilan mo na
