Ramdam ang tensiyon sa pagitan ng dalawa habang bumibiyahe sila pabalik ng Maynila. Para silang estrangherong bumibiyahe sa iisang sasakyan na hindi man lang nagkikibuan. Sa sobrang katahimikan hindi maiwasang antukin ni Mark kaya naman panay ang tigil nito para gisingin ang sarili.
Pagkatapos ng ilang oras na biyahe narating na nila ang apartment ni Alex pero hindi pa rin mawala-wala ang antok ng binata. "Pwede bang makikape muna ako sa'yo, Alex?" sabi ni Mark na binasag na ang pader sa pagitan nila.
Nitong mga nakaraang araw, nadadalas ang paglunok ng pride niya basta tungkol kay Alex. Hindi niya rin maintindihan ang sarili. Alam niyang may nabago sa kanya mula nang magkalapit sila. There's something about her na hindi niya maipaliwanag. Pero isang bagay lang ang nasisiguro niya, ayaw
