Hindi nasangga ni Gabe ang mga suntok at tadyak na pinakawalan ko. Nagtataka pa ang mukha niya na nakatingin sa akin. Dahil hindi niya alam kung bakit ako nagkakaganito. Mas lalo lamang ako nagalit kaya pinaulanan ko siya ng suntok, sabunot atsaka tadyak. Kundi pa ako pinigilan ni Hendrix ay mapapatay ko talaga siya.
"Nababaliw kana ba? Oh sadyang may sapak yang utak mo at bigla ka na lang nanakit?"
"Ikaw ang may sapak sa ulo para mandamay ng inosenteng tao! Sabihin mo nga sa akin, Gabe. Anong karapatan mong manakit ng babae huh? Babaeng wala naman kinalaman dyan sa pagkamatay ng nobya mo!" Gigil kong sigaw.
Ang kaninang nagtataka niyang mukha ay napalitan ng gulat kalauna'y dumilim at bumagsik. Wala akong pakialam kung galit siya sa akin ngayon. Mas galit ako dahil sa ginawa niya sa
