┈┈┈┈◦•✩•◦┈┈┈┈
Nakadapa sina Calix at Josh sa mataas na sanga ng isang matandang puno ng balete, ang mga dahon nito ay itinatago ang kanilang posisyon upang hindi sila makita ng kanilang mga kalaban. May kalakasan din ang hangin kaya gumagalaw ang sanga at mga dahon kung saan nakadapa sila, pero sanay na sanay na sila sa ganitong gawain kaya hindi na ito balakid pa sa kanila, at ang kanilang pokus ay nasa ibaba lang, sa kuta ng kanilang kalaban. Minamanmanan nila ang grupo na laging sumasabotahe sa organisasyon nila, ang mga taong walang ginawa kung hindi ang magnakaw ng supplies at nagpapahina ng kanilang operasyon.
Mula sa itaas na kinaroroonan nila, ay tila ba mga langgam ang mga kalaban, nagkakagulo sa paligid ng ilang tents, nagbubuhat ng crates, at nag-uusap sa mahinang boses na h
