(LENA'S POV)
Kinabukasan na ako pinayagan ng doktor na makauwi dahil pagkatapos kong magising ay nakaranas pa rin ako ng pagkahilo at ilang delayed effects gaya ng pagsusuka. Hinintay nilang maging stable na talaga ang vital signs ko at kondisyon bago ako pinauwi ng doktor.
Pinuntahan din ako ni Manang Eva sa hospital at nang araw ng pag-uwi ko ay sinundo niya rin ako. Siya ang kasama kong sumakay sa taxi habang si Nad naman ay nakasunod lang sa amin sakay ng motorsiklo niya.
Mula nang magising ko ay napansin ko ang mas lalong pagiging sweet ni Nad sa akin. Talagang hindi rin niya ako iniwan sa hospital. At nang minsang may lalaking nurse na pumasok sa hospital room ko para i-check ang vitals ko ay talagang nakabantay lang si Nad sa tabi ko. Hindi naman ako na-offend, kinilig pa nga ako
