“A-Ano? Hindi ko maintindihan. Anong… sinasabi mo na damay ang pamilya ko?”
“Tulad nga ng nasabi ko sa iyo… inaalam ni Sir Felix ang family background ng mga empleyado niya. ‘Yong identity ng mga kapamilya natin at sila ang gagamitin niyang alas laban sa iyo o laban sa isang empleyado niya na magtataksil o hindi susunod sa pinirmahang kontrata.”
Nanginginig na ang katawan ko habang pinakikinggan ang sinasabi nitong nurse. Mahirap man na itago ‘yong kaba na nararamdaman ko, pero parang at this moment ay hindi ko na kayang i-control pa ang sarili ko sa mga nalalaman ko, e. Noong umpisa ay desenteng tao ang tingin ko kay Felix. At aaminin kong matindi talaga ‘yong pangangailangan ko sa pera kaya isa ring factor ‘yon kaya sumugal ako na tanggapin ang trabaho gaano man ito kakomplikado.
P
