HININTAY talaga ni Candice na umuwi si Frank ng gabing iyon. Hindi siya mapalagay sa napag-usapan nila ng kanyang ama. Kailangan niyang malaman kung kailan talaga makakalaya ang ama tulad ang kanilang naging usapan ni Frank. Hindi niya na hihintayin pang mamatay ang ama sa loob ng kulungan total ay nandito na rin naman siya at naipit na sa sitwasyon kaya bakit hindi niya pa lulubusin?
Mabilis siyang lumabas ng kwarto nang marinig niyang dumating na si Frank. Nakita niyo ito sa sala at nagtatanggal ng sapatos.
"Bakit gising ka pa?" tanong sa kanya ni Frank.
"Hindi ako makatulog. Kumain ka na ba?" tanong niya sa lalaki.
"Sa bahay na ako kakain."
"Bakit uuwi ka ba?"
"Oo, masama kasi ang pakiramdam ni Vanessa," sagot ni Frank kung kaya napaangat ang kanyang kilay.
Palagi na lang kasin
