NAPASIMANGOT si Elena nang mamutawi na naman ang tuksuhan sa bahay-kubo. 'Di niya inaasahang lantaran pala siyang hinahanap ng lalaking Henri na 'yon sa mga trabahador.
Kung hindi pa siya pumunta rito sa hacienda, hindi niya iyon malalaman. Wala naman kasing nababanggit ang kanyang inay at itay.
Kung alam niya lang na siya na naman ang magiging pulutan sa bahay-kubo, sana pala hindi na lang siya pumunta.
"Mukhang tinamaan ng kupido si Sir Henri, sa iyo, hija. Walang araw na hindi ka hinahanap e! At talagang araw-araw na rin siyang pumupunta dito," wika ni Mang Roy.
"Simula nang makilala ka e, ang sipag-sipag nang pumarito at talagang tumutulong pa sa gawain. Mukhang nililigawan na ang mga magulang mo, Elena!" segunda naman ni Mang Joseph.
May ilang sumipol at ang karamihan ay pawang
