LIHIM na umigting ang panga ni Henri dahil sa reaksyon ng kasintahan. Ilang araw na siyang nangangalabit ngunit hindi siya nito napagbibigyan dahil sa kadahilanan nitong pagod sa trabaho.
Dalawang buwan na ito sa pagiging modelo, at hindi niya lubos akalaing mawawalan ito ng oras sa kanya.
Lagi nitong sinasabi na babawi ito, ngunit hanggang ngayon, wala pa rin itong oras at pati pagtatalik nilang dalawa, naaapektuhan na.
May pagkakataong nababanggit niya ang tungkol sa pagbubuntis nito, ngunit para bang napapansin ni Henri na iniiwasan nito ang bagay na iyon.
Gustuhin man niyang magalit at magsalita at ilabas ang sama ng loob, mas pinipili na lang niyang manahimik lalo na kapag nakikita ang pagod sa magandang mukha nito.
Nakaraang araw nga, sinabi niya ritong mas mabuting bitiwan n
