ISANG pitik ang nagpakurap kay Elena. Ang kanyang inay. Takang-taka itong tumitig sa kanyang mukha.
"Anong nagyayari sa'yong bata ka? Natulala ka na riyan? Kanina pa kita tinatawag, hindi mo 'ko naririnig?"
Bigla siyang napakamot, sabay ngiti sa sariling ina.
"Iniisip ko lang --"
"Iniisip niya si Sir Henri, honey!" wika ng kanyang itay na ikinapula ng mukha ni Elena
Kaagad napailing si Elena.
"Si itay, talaga! Ang tanda-tanda na no'n ah! Bakit ko naman siya iisipin?" tarantang wika ni Elena.
Naging mailap ang kanyang mga mata nang titigan siya ng sariling ina. Ang kanyang itay naman, bigla na lang natawa.
"So, bakit bigla ka na lang natulala? Sino ba iniisip mo?" tanong ng kanyang ina.
Lihim na napalunok si Elena.
"Nagmememoryado ako, inay at malapit na ang exam namin. Nakali
