ISANG mabigat na buntong-hininga ang pinakawalan ni Henri habang pinagmamasdan ang nobya—mahimbing na natutulog.
Nahirapan siyang lumunok nang maalala ang pinagtalunan nila kanina - aaminin niyang labis siyang nasasaktan dahil mas kinampihan pa nito ang lalaking Joven na iyon.
Sa bawat salitang lumalabas sa bibig ng nobya niya, para iyong tumutusok sa puso ni Henri.
Mas higit siyang nasaktan dahil mas pinili pa nitong manatili sa kompanya ng mga Sy, kaysa sa pakiusap niya.
Alam ni Henri, na hindi ito aalis sa kompanya, dahil natitiyak niyang hindi ito papayagan ni Mr. Sy.
At iyon ang paulit-ulit na dumudurog sa puso ni Henri. Sobrang sakit na mas mahalaga pa rito ang trabaho kaysa sa relasyon nilang dalawa. At masakit isiping mas pinipili pa nito ang trabaho kaysa sa kanya.
Labi
