البارت الخامس

1523 Words

البارت الخامس ابو ليله ???????? نداء الى من اعشق يا سيدتي هذا نداء من قلب **ير من رجل مل الانتضار ..تكلمي لا ت**تي حان وقت الانفجار هل خائفة ام خجل اكتوا قلبي بنار يا سيدتي لا تخافي اقتربي ونا قشي ليس هذا وقت السكون او الاختيار اشعر ان العشق ضفة البحار وكل شي ء دونك انتحار اخرجي من **تك القاتل تحركي ولن تندمي لن تخسري معي ابدا لخوفي على الحب من الاندثار لن اكتفي باوهام وعود وقليلا من كتابات الاشعار انا عشقتك وهذا قرار تاملي جيدا ماهوة حبي وقلبي قوي لا يعرف الفرار السلام عليكم .....البارت الخامس الكاتبة حواء حواء احلام سديت الفون وكام قلبي يطرب بوحدة حسيت الدنيا جاي ترجعلي حقي الضايع من جديد حبي وفرحتي وضحكتي ودنيتي واني اشوف الامل بدء يرجع بتليفون من ابو جلال ولا كنما عزيمة عشاء لا كانما انطاني مفتاح السعادة لى راح يعوضني احلى اسنين عمري لراحت اني باقيه انتضر يمتى يجي يوم الي يغفرلي خطأي ويسامحني ويرجعلي حبيبي وحلمي الي عشت لاجله وقررت بداخلي طلباته كولها مستجابه وما راح اضيعه من جديد لا راح احتوي وعوضه اسنين عمرة بغربة وحرمان وامل الصراحة احس اني مذنبة بحقة واني سبب غربته ولوعته ابراهيم يمثلي كول حياتي احبة وماحبيت بعد ولا راح احب غيرة لكن سوء تصرفي خسرني هوايه حلم اليه جان ردت اشوفه يحضني وحضنه حضن محروم من اعز ناسه ابراهيم حلمي ومن ممتلكاتي الشخصيه الي ما اسمح لي ان كان ي**قها مني هذا ما جنت احس بي اتجاها كان رغم البعد لكن نبضاته احسها دك بكلبي وطيفة مامفارك بالي لحظة وحدة ركضت على ليلى وصيح بصوت الفرح لوله عمو حيجي اليوم كومي خل نرتب نفسنه فزت لوله بحضاني وفرحته مو اقل من فرحتي خاله صدوك ..... احلام ياروح خاله العصر يجي هسه اتصل بيه عمج ابو جلال وعازمنه على العشه ويكول ابراهيم جاي بطريق ليلى بفرح وهيه تكمز مثل ومحتارة شتسووي ساعة تركض للكنتور وساعة تحضني وساعة تروح للمراية تباوع بيها وبدينه نسابق على الحمام اني وليلى واني لاول مرة احس هذا الاحساس بان اني ازغيرة وسابق وي لوله على اتفه الاشياء مثل الحمام والمرايه وشسوار وهيه تكمز واني كلبي يكمز اكثر منها احس الفرح اول مرة يزور كلبي بعد ما هجرة من اسنين وصار كلبي مثل الخرابة المهجورة الي غير صالحة لسكن ❤❤❤❤❤❤❤❤ احبتي اترك القلم لبطلتنة تحجينه عن حياته بل**نها ليلى السلام عليكم احب اشكر كاتبتنه حواء البغدادية لعطائي الفرصة لتعريف عن نفسي ماراح ابديلكم واني بعمر الروضه او اول اسنين المدرسه راح ابدي من عمري ١٢ سنه اني الان عمري ٢٦ سنه خريجه ادارة واقتصاد من فكيت عيني على الدنيا واني يتيمة ابوين والحمد لله الله عوضني بااحلى اثنين خاله احلام وجلال ابن عمي وماانسى او انكر عمامي البقيه كلهم يعطفون عليه ويحبوني وما يوم خلو بخاطري او حسيتهم يفضلون ابناهم عليه بلع** كنت اشوف نفسي المميزة والمدلله بيناتهم جنت دائما اشوف بعيونهم الحب والعطف وفوك هذا كوله طلباتي مستجابه من الزغير وجبير عمري ١٢ سنه واني بلمدرسة وسمع البنات يسولفون على الحب وعن الرومانسية كنت حيل اتاثر بهيج مواضيع واتمنى اعيشها واني بدايه المراهقة انشد دائما للمسلسلات الرومانسيه وتركيه ولهنديه روحي من الدنيا جنت نهار كوله اتف*ج واعيش الحاله واتوقع نفسي بطلة كول مسلسل شفته فد مرة ويايه طالبه بنفس عمري وبنفس صفي غابت يومين من المدرسة ورة يومين من غيابها اجت وسلمت علينا وكالت اني راح ابطل .. اتعجبنه كولنه ليش؟؟؟ جان ادكول والله راح ازوج لان خطبني ابن عمي وبعد شهر ازوج بس هيه بقت اداوم لاحد ما يقرب ايام العرس مالتها اني والبنات الوياي جنه متفاجأيين بهيج شي وشي جديد علينه صرنه نسمعها وهيه يوميه تجي اسولفنه اشلون من يجي عليها او يختلي بيها يعني سوالف مخطوبين تشرحه النه بكول تفاصيلها اثارت البوسه والحضن ومشاعرها الفرحانه بيهن وصارت حياتها هيه وخطيبها مثل الفلم الرومانسي امام عيونه من كد مسولف النه واحنه كولنه نتمنى نعيش ونجرب هيج احساس وهاي اكبر خطا صداقة المزوجه او المخطوبه بعمر المراهقه وتتقرب من صديقات مراهقات ميعرفن معنى الجاي يسمعنه لان خالتي مع كل اسف جانت قافله من شي اسمه انحراف اوتسمم فكري جانت عدها الدلال يكون افلوس وطلعه ولبس واكل وبس وشريد حاضر اما مراقبة تصرفاتي خارج البيت ماكو ما خالتها بالها او تسال اشوف صديقاتي منو ويامن التقي هاي ماتفكر بيها على كلن عزمتنه بحنتها وعرسها واني اشوفها مثل الاميرة كاعدة بلكوشه واميرها يمها هذا حسب نضريتي اني جنت اشوفهم اميرة وامير وهيه اسولف مشاعرها وفرحانه بيها اني رغم كل العندي ودلال العايشه بي من شفت صديقتي وفرحتها حسيت نفسي اني صفر من السعادة اشوفها اشلون بدت الحوليها يباعون الها بلعين الجبير على انو هيه مزوجة بقيت دك براسي افكار افكار واني ارسم نفسي لحظات ولقطات رومانسية من وحي خيالي بعد زواج صديقتي اجه وراي جلال للمدرسة اشو صديقاتي يباوعن عليه ومتخبلات شنو هذا يخبل وهنيالج عليه وشيصيرلج واني اكلهم ابن عمي كنت احجيها بكول فخر لان الصراحة جلال حلو شاب وسيم وشكلة رجولي بمعنى الكلمة جان وحدة من صديقاتي دكول اي هسه هذا هم راح يزوجج وهم تبطلين من المدرسة حسيت كلامها دك على الوتر الحساس وصحة بيه اشياء مخالتها ابالي اتجاه جلال وخصوصا بعد ما بدت تنبهني انتبه لص*رة العريض ونملامحة الرجولية وشعرة وعيونه ونضراته الحادة وفوك هذا كوله اهتمامة بيه اني كانما صحت بيه اشياء وحساس يخبل وفرحت بداخلي وخجلت وهيه تضحك عليه ودكلي والله لا يكلج هو وسيم وانتي تخبلين وصار جلال فارس احلامي ايام واشهر واني ششوف او اسمع اعيشه بفكري اني وجلال البوسه والحضن والكلام المعسول كنت احس جلال يشاركني حتى بفراشي وغطاي ونومي كمت من اشوفه افرح بي واحب ارتب نفسي وعتني بيها واحب عطرة وستنشقه بكل جوارحي .وباوع عليه ماشبع شوف منه .وهذا كوله هو جان يحبني بعفويه ويداريني ويددلني وما يوم قصر مني ميزني على الكل وهذا الشي اكدلي اكثر بان لو اطلب منه يزوجني يقبل لان يحبني وما فكرت شنو وراها من صارحت جلال بحبي وسولفت عن مشاعري هنا بينت عندة الصدمة اي انصدم بس وراها من لزم خدي ويتحسس اذني اني اهنا زارني احساس ال ***ة احساس لو كلها تعطف عليه ودللني مااحس بيه حبيت هذا الاحساس طبعا هذا الشي مدة دقائق وسحب نفسه وكف على حيله وصاني ما اكول وصارت عندي خصوصيه لكن وراها باايام حسيته بدء يبتعد عني ويحاول طرقنه ما تلتقي حسيته يتهرب مني بس كنت بداخلي حيل اضوج ومامستوعبه ليش وشنو السبب كنت فقط افكر هو اليه وبس وجلال يحبني واني احبة ومتهمني عواقب الامور اذكر يوم اجه عمو ابراهيم ورحنه اني وخاله احلام البيت جلال العصر دخلنه وتلكتنه وسن هله بلوله حبيبتي وتحضن بيه وتبوس وسلمت علي خاله احلام بكول ود وحرارة ليلى عمو بعدة مواصل عبالي نلكاه كدامنه وسن راح جلال وبلال يجبوه من المطار هسه على جيه لان بابا كول ساع يتصل بيهم دخل عمو وصاح اليوم الشمس منين طالعه كمزت عليه وبوسته وهو يربت على ضهري ويكول حبيبت عمو صايرة مرة ولج شطالعه تخبلين يا احلى البنات ام جلال وهيه تطلع من الغرفة ودكول لوله من الله خلقها هيه كمر هيه المفروض ميسموها ليله يسموها صبح لو كمر لو شمس ضحك عمو وكلها والله بهاي عندج حق هيه ليل ومضوي وجها كمر سلم على خاله احلام وبين سوال وجواب دخلت عائله عمه بلقيس وعمه زينب والبيت صار يغتض بلناس وعمو حسين هو وعائلته وكلها فرحانه ومنتضرين القادم دخلت علينه فاطمه وهيه جانت شادة راسها وعركانه من تعب الطبخ سلمت على خاله احلام وكالتلها عيني حلومه شنو هذا الجمال وج صدوك لو كال عمو الصاكه ضحكة خاله وكالت هو من زمان يكلي الصاكه وذبت حسرة ماعرف خالة مشاعرها مفضوحه امام عمامي وكوله تعرف بان احلام تحب ابراهيم وابراهيم احلام لكن لغز الي مدوخنه ليش لحد الان ممرتبطين او ليش فسخو الخطوبة برغم ما همة يحبون بعضهم فاطمه ترى مو بعيدة عد الله ويجمع شملكم انتي وعمو ابراهيم من جديد اشو انتو تحبون بعضكم بعد علويش هذي الملاوعه احلام وهيه تهز راسها برضي ودكول الله كريم كانت تحجي وخجلانه وداري على موضوع قديم يمكن هذا لغز بعدهم عن بعض ليلى صاحت عليه عمه بلقيس وكالت لوله تعالي اريد اشبع شوف منج رحت عليها وحضنتها مرة لوخ وكعدتني بصفها وكالت بلقيس ولج شمسويه بنفسج شنو هذا الترتيب والحسن جانت عدها بنيه من عمري كلتلها مترتبين مثل لوله اشو جنه مودن شوفيها اشلون مرتبه نفسها وصايرة جنها العيد اني جنت لابسه بنطرون جينز بي شويه كصر وتشيرت سمائي وحذاء تران شوز ابيض وجاروب قدم قصيرة وشعري محلول ولافه الشطفه العمانيه على راسي صايرة فد شي مميز اما خاله احلام جانت لابسه تنور سودة قصيرة وكالون شفاف اسود سترة مقفله فيلي واسود فه كاعدة على جسمها لان خاله جانت جسمها مربرب بقوام مفصل هيه هم عيونها ملونه دائما يوصفوها بليلى علوي بشبابها وخاله شال على راسها مشمرته بهمال يعني مودة مو لتزام وهيه اليوم اشوفها كلش فرحانه ولاول مرة اشوف خالة مبتسم وجها وكولساع تباوع لساعة وكولساع تباوع بلمراية كان الكول منتبهلها ولاحظت الكول يتهامس ويكول كون الله يهدي ابراهيم ويزوجون شوف شكد تحبه شوف شكد منتضرته حرامات هذا الجمال ليش يتصرف وياها برود رغم ما هوه يحبها ويعزها كنت هذا الكلام اسمعه من عمامي لكن بوقتها ما اميز قصدهم وشنو الي بين احلام وعمو ماعرفته تمشي الساعة على اعصابي واني اريد بسرعة يمر الوقت وشوف جلال من يشوفني شنو يسوي او اريد اريح عيوني بنضر اله لان الصراحة احس نضراته بيها انتعاش اليه لحظات ونسمع هورن السيارة وفتحت الباب واحنه نسابق على الباب ونريد انشوف عمو وجلال ونفتح الباب وهنا الصدمة الي محد متوقعها الى اللقاء احبتي استودعكم بامان الله وحفظه ملتقانا غدا انشاء الله تقبلو تحياتي اختكم الكاتبه حواء البغداديه لاتنسون الايكات والتعليقات احبكم موت اسفة لان البارت غير مدقق

Free reading for new users

Scan code to download app

App Store Google Play

Facebookexpand_more