البارت الاول

1514 Words

البارت الاول ........ ابو ليله السلام عليكم احبتي الكاتبة حواء حواء البغدادية..... ..اصبح جميل ورائع اننا اصدقاء..........يتتقاطر بيننا شذى عطر الوفاء ........اذا كانت المرأة تحتاج صديقا ........فا علمي ان للرجال قلوب ....تهفوا إليها كل مساء ........وما نفع الرجال بلا حنان النساء .........ربما هواياتك قليلة ........ربما اهتماماتك صغيرة فهي مرثيتي حينما احتاج الرثاء .....لو قضينا ساعات تحت قطرات المطر وبكينا ب**ت ........عندما تطربنا الأماكن والشعر فخذي قلبي مرساة سلام وميناء......يا حبيبتي انهكتنا قصص العاشقين ......وتكاثرت بين الصفحات اخبار الغرام ....الخوف يجبرني على ال**ت حين اللقاء سيدتي ....لا او من بنصف الحلول ولا اشكال الوجوه تثيرني كي اقول كن صديقي ..وشارك قلبي وعقلي بفخر وكبرياء ....انا همسة الصدق بين الاصدقاء .....كن حبيبي....وان فعلتها سوف تزداد رجولتي شرفا واباء ......انا لست شرقيا يرضا بنهايات السعيدة ولا اسمح لنفسي ....ان أتخذ ادوار البطولة المجيدة ...انا صديق حبيب وخصب ونماء انا قلب عقل انا عطش وماء فاشربي من عطشي وزيدي مائي ...كن صديقي فانا بدونك طريق الغربة وسط الغرباء ..اترك القلم لبطلنة يعرف على نفسة ❤❤❤❤❤❤❤❤❤ جلال مرحبة اني جلال حسن من سكنت شارع فلسطين تسلسلي بالعائلة الثاني اختي الجبيرة فاطمة مزوجة ابن خالتي وعدها ٢ اطفال وبلال ازغر مني وحيدر وسن اخر العنقود . .عمري الان ٣٨ سنة دارس جامعة بغداد قسم لغات وحاليا اشتغل بلخضراء ماريد اذكر بيا دائرة حكومية اشتغل بيها على كولآ اشتغل حاليا بشركة سياحة وسفر والحمد للة الامور توب اما مواصفاتي حنطي طويل جسمي رياضي لان دائما اعتني بنفسي عيوني عسلية شعري ناعم يميل للبني ارجع واذكر لكم من جان عمري ١٢ سنة اليوم الماأنساه طول عمري كان يوم جدا صعب علينه كولنه جلال بابا دريت بعمو محمد اخذ عمة انعام وراح بيها لنجف ... .ابو جلال هاي يمته.. ..جلال بابا اضهر طلعو ورة صلاة الظهر مريت عليهم من اجيت من المدرسة وكلي سلملي على ابوك اني رايح ازور ابو انعام لان تحلم بيه اهوايه ورادت ازورة واني هسه طالع بس نتغدة ابو جلال الله وياهم ولو اليوم مطر وزلك وصايرة الشوار طيانة بس الله يسهللهم زين ليلى ياخذوها وياهم ؟؟ جلال .لابابا ليلى تبقى يم احلام خالتها لان ميكدرون ياخذونها وياهم بعدها زغيرة وتضوجهم الاب باريحية كال ..زين يسوون تبقى يم خالتها احسن هذي ازغيرة والجو بارد بس ياخذوها وياهم تتمرض جلال بوست ماما وخذت كتبي وصعدت انام نمت وبعز النومة واسمع صوت الرعد وزخ المطر قوي وحفيف الشجر والمرزيب مال سطح يكوت مي بغزارة واني اردد بداخلي ياربي سترك .... كان الجو كولش عاصف ودنيا ليل والكهرباء كول ساعة تطفة وترجع تشتغل .وفجأة وسمع صرخة امي هزت اركان البيت صرخة هدمت كلبي وسرة رجفة بداخلي وبنفس الوقت اجيت اركض وسابق ويه اخواني على بايات الدرج كنه متفاجئين شنو سبب الصرخة وليش تصرخ امي وهنا الصدمه ابو لازم التليفون ويكول لا محمد لا تقدمت لابوية وكتلة بابا شنو السالفة كنت احجي وياه واني اريد اكذب عيوني واذني جسمي يرجف وخايف من صدمة الخبر كان يصرخ ويحضني ولك راح عمك محمد وانعام مكلوبة بيهم السيارة على طريق النجف وهمه راجعين وهسه همه بلطب العدلي راح اخوية ون**ر ضهر وبدء الصراخ يعله وامي راسا يغمة عليها لان هيه مريضه عدها حاله نفسيه وعدها صرع فمن تنفعل لو ضوج يغمة عليها اني بقيت محتار بامي الي وكعت لو بابوية الي تخبل على اخوه وهو يصيح محمد خوية **رت ضهري شفته ركض بدون وعي وهو ياخذ سويجه مال سيارة وهو يردم بلباب مايعرف يطلع منين صحت على اخوية بلال كابلني على امي وخليناها بفراشها وصيت فاطمة اختي تنطيها علاجها ورحت ركض ورة ابوية واني البس بل قمصلة فوك بجامة النوم لان وضع ابوي منهار وخفت عليه يسوي حادث بطريق لان حالته كلش موزينه والجو بعد اتعس الطريق كولة ابجي على عمو محمد الي مايوم من الايام خشن خاطرنة بحجايه وجان قريب على والدي اكثر من اخوانه البقية .. محمد كان ما يعني لابوية اخ فقط لا كان علاقة الاب بابنه لان عمو كان الزغير وابويه الجبير وهو الي مربي ودائما ابويه يكول اني عند اربع ولد مو تلاثة يقصد احنه اتلاثة وعمو محمد رابعنة وصلنة للمستشفى ولكينةعمامي كدامنةوهمة يصارخون وقمصانهم مشككةونسوان تلطم وماأنسة صراخ عمة بلقيس وهية صيح لا محمد على بختك اشون تعوفنة كان الخبر واصلهم قبلنه وعمة زينب المنهارةوهية تردد جذب محمد ما مات من اثر الصدمة متعرف شتحجي اتقرب عمو حسين وشبك لباباوصرخ صرخة هزت المستشفى وعمو ابراهيم مثل الطير المذبوح وهو يض*ب براسة بحياطين المستشفى بقت الناس تقنع بيهم بان هذا امر الله ولازم نخضع الارادته لكن هول الموقف كان اكبر من تفكيرهم وقبولهم للواقع ورة ساعة من الاجرأئات انطونة جثة عمو وزوجته وسوينة ورقة وفاة لان عمو حسين يشتغل بطب العدلي فما اخرونة اخذنة الجنازة وطلعنة بيها لبيتنا لان الفاتحة راح اصير بيت اخوه الجبير الي هو بابا دخلنة الدربونة واحنة نشوف الدنيا مكلوبة عمامي وخوالي والجيران والعشيرة ومن بين هاي الجموع وشوف احلام اخت انعام مرت عمي لان هاي الاخت الوحيدة لانعام لان زوجة عمو ماعدها اخوة وخوات بس احلام وابوها وامها متوفين بعد وفاتهم اصر عمو محمد لازم تعيش وياهم لان هيه شابة وميصير تعيش بوحدها سمعتها وهية تكولها انعام ولج المن عفتيني وتدرين بيه مالي غيرج مو انتي الي كتيلي راح اصيرلج ام واب واخت ليش ليش **رتيني هيج لج انتي اهلي كولهم انتي امي وابوية ليش حاجيني يارب حرمتني من اختي وسندي والله ما عندي غيرها بحيث الناس من شافت احلام كامو يبجون عليها لان احلام صدوك بحاجة لاختها لان ماعدها غيرها ........ احلام لج بنتج اشون نطاج كلبج تعوفيها ولج انتي مو تكولين روحي من الدنيا ليلى اشون نطاج كلبج وعفتيها ردي عليه حموت ولكم ارحموني والله ماكدر اعيش بلية اختي كون الموت اليه وهيه باقية لبنتها التفتت وشوف بنت عمي ليلى وهية ملفلفة بطانية وبيد مرية جيرانة وهيه عمرها سنة و٢ اشهر شفت الجو بارد وهيه بس انفها طالع .جلال ماحسيت بروحي اله واني اخذها من ايد جيرانة واني امد ايدي وحتضنها بين ادية جلال خاله انطينياها اباوع عليها خدود حمر وشعر اشكر والعيون تركوازي سبحان الخالق والحلك عبالك ورداية خليتها على كلبي وصرخة صرخة طلعت بيها الف اه واه من كل كلبي **رت خاطري هذي الطفلة وبتفكيري المحدود اكون شون راح تعيش بدون اهل لان كنت بعمر ازغير وما اعرف رحمة الله فوق كول شي ... .ماعرف هاي الصرخة اشتياق لعمي لو ا**رة كلبي هاي الطفله دخلت بيها البيتنا وصحت الاختي فاطمة كتلها هاج اخذيها لتخليها برة تتمرض خليها بلغرفة خذتها فاطمة من ايدي وهيه تبوس بيها وتهمس يم اذنها سودة عليه اشلون راح تعيشين الضاهر مو بس اني هذا الي يدور براسي لاكان اي واحد يشوف الطفلة هيج يكول ........... جلال طلعت من البيت ومشو الجنايز ونطوت صفحة حياة عمو محمد وزوجته انعام وتركو وراهم طفله ازغيرة لا حولة ولا قوة بدنيا صعبة ومستقبل مجهول ...... .جلال احلام ميته امها من الطفولة وابوها ورة زواج عمو محمد وانعام ب٦ اشهر اتوفة فاصر عمو محمد اله تجي احلام وتعيش وياهم لان عمو بيتا بشارع فلسطين يعني ورانة بدربونه طلب من احلام تعيش وياهم كلها اني المسؤول عليج وهاي اختج مو غريبة وادري بيجن ما الجن غير بعض فاحلام اجرة بيت ابوها الي هو بزيونه بيت جبير فخم وسوه مجمع طبي وسكنت ويه عمو محمد وأختها انعام ..... احلام وانعام الوريثات الوحيدات لابوهن وصارت املاكة الهن عمارة بابو نؤاس بحي تجاري وعمارة بكم سارة شقق ومحلات اما عمي فجان يملك بيت ٢٠٠ متر بشارع فلسطين وسيارة وشكم فلس بل مصرف فصارت هاي الممتلكات بسم احلام وليلى الطفله الزغيرة ........... جلال ورة الفاتحةاصرو عمامي على انو ليلى همه يربونها ولازم تعيش عد واحد من عمامي لان يشوفون بيها ريحة اخوهم الغالي ولازم يعتنون بيها وفاءا للاخوة لان مهما يكن هذي بنتهم وهمه اولى بتربيتها والحرص عليها وعلى مستقبلها ولكن اهنا احلام الها راي اخر ...... .احلام ابو جلال انت تدري بيه اني الدنيا حارمتني لاب ولاام ولا اخ ومضال عندي من ريحة اهلي بس ليلى فاني دخيل الله وخيلك لا تحرمني منها فدوة لعينك اريدها من الله ومنك تقنع اخوانك وخواتك بان اني اربيها والله اموت اذا خذوها مني ............ ابو جلال ياخويه انتي موضفة اطلعين من الصبح تجين الضهر هاي وين تخليها . .. احلام هاي محلولة انت تعرف كولش زين اني ممحتاجة من توضفة مو لان محتاجة افلوس اني ردت اغير جو وا**ر الملل لجاي اعيشه بس من اصير هذي المشكلة محلولة اني استقيل وترك الدوام وتفرغ ليلى ....... ابو جلال بس اني ما ريد اصير اني سبب تركج الوضيفتج احلام والله اني بعد وفاة انعام ومحمد كرهت الدنيا وماريد بس ليلى . ..احلام سويلك عمل انساني وخليها عندي واني اكلك انت هم مو بعيد عليها يمتى متريد هيه يمكم وفرق البيت بس دربونه .... .ابو جلال هاي هيه اخذيها واي شي تحتاج اني موجود ...... ..جلال بهاي الاثناء دخل عمو ابراهيم وشاف احلام كاعدة وهيه تبجي باوع عليها وذبله حسرة ........ ..ابراهيم اشونج احلام احلام وهيه تمسح بدموعها هلو براهيم الحمد لله على كل حال انا ما دام ليلى عندي اني زينه ..... ...التفت ابراهيم الاخوه ابو جلال وكله شنو راح تاخذها .... ..ابو جلال هاي هيه لعد شسوي احلام هم غاليه علينه وليلى مو بعيدة ...... .أبراهيم هاي هيه الي تشوفه سوي ......... ..التفت ابراهيم لاحلام وهو حسرة شوق وحب ولهفه مدفونه صارها اسنين احلام ديري بالج على نفسج واريد الله ليوفقج وتصونين الامانه اني مسافر بعد يومين طلعت الفيزة مالتي وراح استقر بالمانيا ........ احلام اتسعت اعيونها ودمعت معقولة هاي ليش وشبسرعة ........ . ابراهيم اني صارلي ٦ اشهر من مقدم وهسه طلع اسمي وبعد ما اكدر وهاي جاي احضر بنفسي احلام نزلت ادموعي وايست من حب عمري وعرفته بعد حبي ضاع وضاعت وياه احلى السنين يتبع اترككم في رعايه الله وحفظه تصبحون على خير اختكم الكاتبه حواء البغداديه لاتنسون التعليقات والايكات احبكم موت

Free reading for new users

Scan code to download app

App Store Google Play

Facebookexpand_more