البارت السابع

1633 Words

البارت السابع ابو ليلة السلام عليكم يا احلى متابعين .ابوليله للكاتبة حواء البغدادية ?????? جلال دخلت ورة ليلى للبيت وخليت العلاكة على ميز الطعام واني ناوي اطمان على احلام واطلع بعد الى صار بيها اليوم لان الصراحة موقف كولش صعب نقهرنه عليها كولنه لكن مكدرنه نسووي شي لان هذا الشي صار وفات اوانه .وفجأة سمعت صوت صرخة ليلى خطوتين ودخلت للصالة وشوف فوضى والغراض م**رة واحلام واكعة بنص الهوسه ارتبكت وما اعرف شصرف لو شسووي جلال ......ليلى هاي شنو ليلى ...بخوف ورتباك خاله مادري شبيها جلال اتقربت منها واشوف نبضها وعيوني قلقه دقائق وجريت نفس وكتلها انشاء الله مابيها شي هذي منهارة ليلى وهيه دموعها تجري جلال خاله شبيها والله اموت اذا صار بيها شي جلال لولة بسرعه خبطيلى مي وشكر وجيبلياه ليله تفز مفزوعه وهيه تركض تخبط بلمي وشكر بدين ترجف ولون مخطوف جلال وهو ياخذ منها الكلاص ويشرب باحلام لولة انشاء الله مبيها شي اشويه هابط عدها السكر لاتخافين حصير زينه ليلى وهية تحظن خالتها بدموع وعيون خايفة خاله فدوة حاجيني احلام وهيه تفتح عينها بوجه ليلى تهز راسها ودكولها مابيه شي لاتخافين جلال .احلام محتاجة اوديج للمستشفى احلام بصوت تعبان لا وديني لفراشي اريد ارتاح شوية راسي حيطوك جلال وهو يرفعها من الارض يالله امشي على كيفج وهو لازم ايد وليلى لازمه ايد وعيون لوله الي مليانه خوف وبيها رجفة لان اول مرة شوف خالتها بهل وضع دخلوها الغرفتها ونزلوها على السرير وكال جلال لوله اني بل باب الغرفة وانتي بدلي لخالتج لبسيها شي ترتاح بي وخليها ترتاح بعد لاتحاجينها عوفيها ترتاح هزت راسها وتجهت للكنتور طلع دشداشه بيتيه لخالتها تلبسها وجلال طلع برة الغرفة وسد الباب وهو يحاول يلطف الجو لان شاف ليلى حيل تعبانه جلال وهو يفرك بوجه ويفكر بحاله احلام وشنهو الي وصلها لهذا الحال وهو منتجي علي الحايط الى بصف الباب مال غرفه ومحتار اشلون يواسي احلام على وضعها وهو يعرف كلش زين ابراهيم ورة انهيارها هذا طلعت لوله وكالت بدلتلها جلال لوله لتخافين مابيها شي انشاء الله بس ترتاح اصير زينه بس شوية محتاجة هدوء ليلى ودموعها تجري هيه ليش خاله صار بيها هيج اشو كانت مابيها شي اشو فجاة نهارت جلال .وهو يواسيها حبيبتي هسه اصير زينه بس انتي خليج يمها ونامي يمها واني اليوم ماروح راح انام بصاله خاف تحتاجين شي ليلى من بين دموعها وبسمة امل فجأة ترتمي بحضن جلال عفيه لا تعوفني جلال وهو مرتبك متفاجئ وخجلان من مشاعرة اتجاه ليلى الي مروضها كوة وهو يحاول ميتقرب الها حتى لا تثير اشياء مكبوته او مشاعر جياشه لا ما اعوفج وبسرعة سحب نفسه منها وهو يعرف حركتها هاي عفويه وهيه متعودة عليه من زمان بس الفرق حاليا عد جلال مشاعرة اختلفت وميقاوم احضانها الي يتهرب منها ومن نفسه جلال يالله حبيبتي لمي الهوسه هاي ونامي لاتبقين كاعدة روحي غيري ملابسج ونامي دخل الاستقبال وسد الباب عليه وهو يريد يبتعد عنها حرصا عليها منه ليلى بعد اليوم والي مرينه بي جنت خايفه وقلقه على خاله بس من شفت جلال بقى يمنه ارتاحيت وحسيت بحتياجه اكثر واحسه هو سندي وحياتي كولها برغم ما اشوف هروبه مني احسه يتحاشه ان نبقى اني وياه بمكان واحد ولا يداهرني او يشاقين مثل قبل دخلت على خاله وفتحت الغطه وشبكتها ونمت مثل ما جانت تسوي وياي من جنت ازغيرة من اتمرض لو اكون حلمانه .اهنا حسيت روحي اني ليوم لكبيرة وهيه الزغيرة حبي لخالة احلام يخليني احس الدنيا مالها وجود بعدها ودعيت ياربي يخليلياها وميحرمني منها بقيت ادعي ماحسيت اله واني نمت قبلها لان احسها كاعدة ليلى حسيت الصبوح على نفسي وسمع جلال وخاله احلام بلمطبخ يسولفون جلال احلام امني بشي اسمه قسمه ونصيب وبراهيم مو من قسمتج لان يابت الحلال هاي صارله ١٠ سنوات هو عايش بوحدة حتى ماندري ا بلضروف الجان عايش بيها او لي جبرته وزوج احلام . جلال لا تلومني اني الوجع الجاي احس بي محد يحس بي غيري اني هواي فقدت بحياتي كلها كوم وجعته بكوم تدري اني باقية هذا العمر كوله واني على امل يرجع الي حبي ويرجع ابراهيم اليه ولايوم فكرت احد يستوطن كلبي غيرة تالي يصدمني بزواجة بدون لارحمة ولاشفقة كولي شيصبرني ومنين اجيب القوة الي اتحمل بيها الموقف جلال وهو م**ور كلبه عليها ذبلة حسرة وكال الله يصبرج احلام لازم اصبر روحي ودوس على نفسي وصنع القوة بعد ماريد اذي نفسي لان محد يستاهل ليلى اني اسمع واني دموعي تجري ومحتارة اشلون اواسيها لو اشيل من وجعها واني مصورة بس من احضنها او ابوسها ترتاح ركضت عليها وبستها وكلها لخاطري صيري زينه اني مالي غيرج احلام ياروحي انتي اني هم ما لي غيرج ضحك جلال وهو يريد يغير الجو وكال كلبتوها فلم تركي علينه وكلها احلام لضوجين راح ازوجج لبوي وهو يغمزلها ويضحك احلام وهيه تضحك وتكله هو ابوك شضال بي امك مخلصته ضحكنه كلنه وكال يابه بشرفي اله اكوله عليج اكوله حلام تحجي عليك احلام لا جلال بروح ميتيلك لاتكله والله بلع** ابوك اله مكانه بكلبي وعتبرة اخويه الجبير جلال وهو يخلي اديه على افخاذا وكال يالله اني رايح محتاجين شي ليلى خليك يمنه احلام لا سلامتك جلال امر عليكم بليل يالله مع السلامه جلال .دخلت على اهلي ولكيتهم كاعدين كلهم يتريكون جلال .صباح الخير الكول صباح النور الاب يباوع على جلال وساله هابشر شون صارت جلال الحمد لله بلال يغير الموضوع وميريد ابراهيم ينتبه وسارة كاعدة مترقبه عيون الجميع وبعيونها الف سؤال بس ما فاهمه الموضوع بلال جلال سارة تريد تروح لبيت خالها بلاعضميه جلال ليش سارة بعدنه حتى مشبعنه شوف وتعرفنه عليج سارة انشاء الله ارجع بس خالتي سمعت بيه بغداد واصرت اجيهم اليوم هاي هيه براحتج التفت عليه ابراهيم وكال .جلال نوديها اني وياك ونرجع .عندي شغله وياك جلال ادلل الام يوم جلال من ترجع اسوكنه وياك جلال.وسن سويلي قائمة وسن دقيقه بس اخلص الريوك الاب يكوم من الريوك ويكول الحمد لله وشكر جلال من تخلص تعال وراي عندي شغله وياك جلال وهو منزل راسه وياكول .صار يابه سارة اني راح اجهز نفسي ابراهيم .اخذي راحتج جلال .من رخصتكم رايح اشوف ابوي شرايد جلال دخلت للاستقبال وكتله ها يابه خيرك الاب والله ياجلال احلام كاسرة كلبي واحس روحي اني السبب بلهيه بي جلال يابه احلام بيك او بغيرك راح تعرف الاب .هسه اشلون صارت جلال لا اليوم احسن الاب اليوم افكر اروحلها وعتذر منها جلال لايابه ابد لتروح خليها خليها ترتاح لان الشافته مو شويه الاب اي مثل مدكول اشكم يوم وروحلها جلال الله يسهل يابه اني راح اخذ عمو وزوجته خو مرايد شي الاب لا يابه سلامتك ابراهيم بعد ما ودينه سارة اني وجلال لبيت خالتها التفت على جلال وكتله جلال اني اعرف البارحه انت بايت بيت احلام كلي شنو اخبارها جلال عمو سد الموضوع اني ما اريد اضوجك إبراهيم ولك شضوجني واني البارحه عايش بجهنم وضميري الي مدمرني شور عليه كلي شا سوي جلال ..والله يا عمو انت شغلتك مادري اشلون حلها وتعال اكولك ليش ما حافضت على حبك ليش ما ايستها من زمان ابراهيم لاتلومني اني العشته محد عاشه وياي ومحد حاس بيه جلال. اي كلي شنو التحس بي وشنو الحلقه المفقودة الي ما جاي اشوفها واريد اعرفها وهيه ليش فسخت خطوبتك منها وطويت وركنت حبك على رف ولتقنعني ودكول لكون ما تفقت وياها واني جايه اشوف اهواي ناس ازوجو وهمه اصلا محد يعرف الثاني واكو بيهم ازوجو حتى من غير طائفه وغير دين وغير دوله ومع ذالك عاشو وتاقلمو ونسعدوا اما انت واحلام مااكدر افهم البينكم ابراهيم وهو يذبله حسرة كال راح احجيلك وانت احكم بس ها ماريد اي واحد يعرف بل اكوله جلال. اذا ممرتاح لتكول ابراهيم وهو يخلي ايدة على وجهه ويبجي منين تريد ابديلك جلال بلي يريحك عمو ابراهيم. من خطبت.احلام واني الفرحه مماخذتني فرحان بحب عمري وانه اشوفها فرحانه ازيد مني طلعنه وتونسنه وستمرينه لمدة ٦ اشهر واحنه بقمة الفرحه وجنت دائما اشوف تصرفاتها الصبيانيه واغفر واكول اعلمها وراح تفهمني وراح تحتويني وحتويها لكن احلام متمردة وعايشه بدلال ابوها وحريتها الزايدة اجي وروح عليها واني اشوفها تحبني بس عدها تصرفات رعنه متقيسهن ودائما دكول اني بلنسبه اليه الناس اخر همي اني اهنا تخبلني وصار مشاكلنه اكثر من رضانه فات على خطبتنه سنه واني يوم راضين وعشرة زعلانين ويوم من الايام جان عدها خال بكركوك ذولي خوالها حلل تربيتهم تختلف متحررين زيادة عن الازوم واني اعرف احلام حيل متاثرة بطباعهم اجتني فد يوم وكالت راح اروح ويه خوالي سفرة لكركوك اني بوقتها منعتها وكتلها مترحين هيه اهنا انهارت وكامت اتعيط دكول ما عندك ثقه بيه اني بساعتها اتعصبت وكتلها لو تموتين مترحين عفتها ورحت ورة يومين خابرتها على ساس اراضيها وكلت اذا اختها انعام تروح اخليها تروح وياها لان انعام الله يرحمها تسمع كلام ومطيعه ومتخالف كلمة محمد لو على كص ركبتها خابرت طلعلي ابوها كال احلام يم خالها بكركوك ليش انت متدري اني اهنا تخبلت حسيت روحي اني بحياتها رجل كرسي ومالي قيمه عدها استجمعت قواي وكتله عمو ابو انعام انطيني العنوان مال خالها كال ليش كتله اريدها مفاجأة الها ونطاني العنوان واني عازم بنفسي اليوم احدد مصيري وياها وماكلت لااي احد بان اني جاي اعاني ومجروح وجرحي من حب عمري ورحت وراها لكركوك نزلت بفندق واني نار بيه قلق وتوتر رحت العصر على عنوان خالها وبين ما دور عليه لكيت العنوان ودكيت الباب وطلعتلي مرة جبيرة بلعمر وسالتني انت منين فكتلها اني ابراهيم خطيب احلام حيت بيه وستقبلتني فسالت عليها كالت طلعوا سفرة لا اربيل بشلالات يومين ويرجعون خذت العنوان ورحت بوقتها ما جان اكو مبايلات بس الارضي وضعيف رجعت للفندق وتجهت لاربيل بعد طريق طويل والساعه جانت ٢ بليل كلت خلي انام وصبح اروح وفعلاً الصبح رحت سالت بلفندق لي انطوني عنوانه وكالو طالعين بشلال ...الفلاني ورحت ورها واني اسال ودور وشوف الي ما ردت اشوفه ولخايف منه يتبع مع تحيات خادمتكم حواء حواء ملتقانا انشاء الله ١١ ليلا موعد تنزيل يومي احبكم موت مو تنسون التعليقات والايكات

Free reading for new users

Scan code to download app

App Store Google Play

Facebookexpand_more