Matapos ang klase ko, imbes na sa hotel ay sa ospital ang tungo ko. Sinabi ni Tita Carmen na oras ko pa rin ito sa OJT kaya wala naman magiging problema sa record ko sa hotel. Gusto ko ring gawin ang bagay na ito para kay Wade na kahit sa ganito man lang makabawi ako sa kanya kahit alam kong hinding hindi ako makakabawi dahil napakabigat na pagkakamali sa kanya ang nagawa ko, kami ni Max.
Sinabi ni Max na pupunta rin sa ospital pagkatapos ng meeting niya. Hindi ko lang alam kung anong oras siya makakapunta. Ayaw niya talagang magpatalo at magpahuli kay Wade sa akin kaya kahit busy siya paglalaanan talaga niya ng oras na makapunta rin sa ospital.
Pagpasok ko sa kwarto ni Wade sa ospital ay ang nakangiting mukha niya ang bumungad sa akin.
"Claire!" Nakangiti niyang sabi. Napansin ko ang
