ملاذى

الحكايه ٢

عمر بنهياار/ نعم بتقول ايه لا مستحيل مستحيل هي اكيد عايزه تخضني عليها بس قولها اني بحبها والله و اتخضيت جدا عليها قولها هتقوم تاني

ادم مصدوم و بيحاول يهدي عمر/ عمر اهدي انت راجل مؤمن بالله انا عارف انه موقف صعب بس دي اراده ربنا

عمر ببكاء هستيري/ و نعمه بالله يا ادم بس انا مش قادر استوعب طب هعيش من غيرها ازاي

ادم مش عارف يقول ايه و فاهم كويس ان اي كلام هيبقي ملهوش لازمه/ اهدي يا عمر انت عارف ان روحها معاك في كل مكان و حاسه بيك قوم يا عمر ادم لسه مكملش و لقا عمر فقد واعيه

ادم/عممممر دكتور محتاج دكتور بسررعه

الدكاتره خدوا عمر ادم حاول يدخل معاهم بس الدكاتره منعوه

الدكتور/ انا اسف سيبنا نشوف شغلنا

ادم فضل واقف قدام باب اوضه عمر علي اعصابه

نروح لندي و خديجه

خديجه خلصت كليتها هي و ندي ندي راحت الكورس بتاعها و خديجه راحت التدريب بتاعها

في المحطه ال خديجه بتدرب فيها

احمد/ كنت متأكد انك اد الثقه و هترفعي راسنا

خديجه/ الحمد لله يا مستر احمد

احمد/لا مستر ايه بقا احنا بقينا زملا خلاص

خديجه/ الله يخيلك

احمد/ بصي بقا يا ستي انتي هتكملي تدريبك مع الاعلاميه مها مدكور هتكوني مساعدتها الخاصه و هتبدأي من انهارده ان شاء الله

خديجه/ تمام

احمد/يلا تعالي اعرفك عليها

احمد/استاذه ازيك

مها/ تمام ازيك يا احمد

احمد/تمام دي خديجه هتدرب معاكي الفتره دي

مها/تمام شوفتك امبارح ف الحفله كنتي هايله

خديجه /ميرسي

مها/تمام احنا دلوقتي ورانا شغل بره عندنا تقرير في مستشفي

خديجه/تمام

ندي خلصت الكورس بتاعها و كانت مصدعه جدا و باين علي شكلها انها مرهقه و للحظه حست انها هتدوخ فمسكت ف حد كان واقف جنبها من غير م تقصد

مازن/ خير يا ندي مالك

ندي بأرهاق/ماازن؟! انا اسفه مقصدش انا لازم امشي

و مشيت ندي و هي مرهقه و محرجه من تصرفها

(مازن زميل ندي في الكورس و كان معجب بيها)

في المستشفي عند عمر و ادم

الدكتور خرج

ادم/ ها يا دكتور طمني

الدكتور/للاسف دخل في حاله صدمه عصبيه شديده و رافض الكلام

ادم/طب و الحل ايه

الدكتور/لازم يتعرض علي دكتور نفسي

ادم/طيب ممكن ادخله؟!

الدكتور/اكيد

ادم دخل/عمر انا عارف ان مفيش كلام دلوقتي ممكن يهد*ك او يطلعك من الحاله دي بس عشان خاطري حاول ترجع بسرعه انا بموت و انا شايفك كدا و مش عارف اعملك حاجه و في وسط الحوار دخلت ام عمر

ادم اتصل بيها لما وقع

ام عمر ببكاء/ عمر ايه الحصل اتكلم يا حبيبي متفضلش ساكت كدا متقلقنيش عليك

ادم/لو سمحتي يا طنط عايز حضرتك بره شويه

ام عمر/حاضر

ادم/احنا لازم نعرضه علي دكتور نفسي

ام عمر بحزن/انا كمان شايفه كدا ادم يابني خليك معاه انت اقرب حد ليه من ساعه م ابوه مات

ادم/متخافيش يا طنط انا جنبه و مش هسيبه ابداا عمر اخويا و صاحب عمري

نروح لخديجه في المستشفي

عملو التقرير و مكانش فاضل غير انهم يختموا التقرير بحوار مع واحد من اهم الدكاتره ال ف المستشفي

مها/ اهلا بحضرتك يا دكتور نبدأ الحوار؟!

كريم/ اه طبعا اتفضلي

و لسه هيبدأوا مها جالها تليفون

مها/الو اييه؟! طيب انا جايا حالا انا اسفه جدا يا دكتور بس حصل ظروف و لازم امشي خديجه معاك

خديجه بندهاش/ايوا بس انا محضرتش حاجه انا قرأت الحوار اه بس برضو مش جاهزه

مها/حبيبتي معلش اعتبريها فرصه عشان تثبتي كفائتك و بصي ع الاسئله تاني و بعدين دا تقرير اي غلطه هنظبطها سوا

خديجه بتردد/ طيب ماشي

و مها مشيت

كريم/ متقلقيش يا انسه خديجه بصي ع الاسئله و كلو هيبقا تمام

خديجه/ماشي يلا نبدأ

خديجه بدأت الحوار و كانت بتوزد كمان اسأله و كلام من عندها الحوار استمر تقريبا ربع ساعه

بعد م خلصو

كريم/طيب م انتي هايله اهو بس اوعي تنسيني لما تبقي مذيعه مشهوره خليكي فاكره انا وش الخير عليكي

خديجه/طبعا يا دكتور بنشكر حضرتك و معلش لو عطلناك

كريم/لا خالص انا مبسوط جدا اني اتعرفت عليكي اتمني نتقابل تاني

خديجه/احم ان شاء الله عن اذنك

كريم/اتفضلي

خرجت خديجه و روحت بيتها و ندي كمان كانت روحت و نامت علي طول لانها كانت مرهقه جداا

في غرفه ندي صحيت علي صوت فونها

ندي/الوو

مازن/الو يا ندي ها بقيتي احسن

ندي/مين معايا

مازن/انا مازن يا ندي

ندي/و جبت رقمي منين

مازن/ مش مهم المهم عامله ايه دلوقتي

ندي/انا كويسه بقيت احسن عن اذنك لازم اقفل سلام

مازن/ ماشي يا ندي سلاام

عدت ايام من غير جديد ندي مستمره في كورستها و مازن بيحاول يلمحلها بس هي شايفه انه مش الشخص المناسب ليها عشان كدا هي كمان كانت بتلمحله بكدا و هو فهم دا و حاول انه يبعد شويه شويه اما خديجه لسه بتكمل تدريب و بقت مميزه جدا و عمر لسه حزين علي همس تابع مع دكتور و ابتدا يتكلم بس طول الوقت اعد في اوضته مبيروحش الشركه ولا بيروح ف حته ادم كان جنبو علي طول بيحاول يقنعه انه ينزل بس هو كان بيرفض برغم كل دا الا ان ادم لسه منسيش خديجه بالع** كل يوم الفكره بتكبر عن القبليه بس هو مستني الوقت المناسب

في فيله عمر

ادم/يا عمر لازم تنزل الشغل عدا شهرين كدا هتموت نفسك مينفعش

عمر/ انا فعلا هنزل الشغل بس مش عشان مموتش نفسي ولا عشان انساها عشان همس عايشه جوايا يا ادم همس ضد النسيان بس هنزل لانها اكيد حاسه بيا و اكيد مش فرحانه بالبعملو دا هنزل عشانها

ادم/ برافو يا عمر هستناك في الشركه بكره

عمر/ ماشي يا ادم

ادم/يلا همشي انا بقا سلام

عمر/ سلام

عدي سبع شهور خديجه و ندي اتخرجو خديجه مضت عقد مع القناه ال كانت بتدرب فيها و ندي كانت مستمره ف كورساتها و كانت لسه هتقدم السى ڤي بتاعها في شركه كمترجمه و ادم شغله بيزيد و بيوسع في كل حته و كان دايما يشوف خديجه ف التليفزيون و يضحك و يقول وقتك قرب اووي ياا حلوه

اما بقا عمر فهو لسه منسيش همس بس كمل شغله و حاول يرجع لحياته من برا لكن من جوا هو لسه سجين ماضيه مع همس

في شركه المصري

ادم/لاا مش ممكن ابداا مفيش ولا واحده فيهم نافعه دول جاين يدلعو مش يشتغلو ابداا

مايا/ ناقص واحده بره يا فندم ادخلها

ادم/دخليها جت عليها يعني

دخلت المتقدمه الباقيه / مساء الخير يا فندم

ادم بذهوول/ مش ممكن همس؟؟؟!!!!!!

و بكدا نبقا خلصنا الفصل التالت

_يا تري همس لسه عايشه فعلا؟؟!!

_انتقام ادم قرب جدا من خديجه يا ترا ناويلها علي ايه و ليه استني كل دا دا ال هنعرفه الفصول الجايه ان شاء الله

ادم بذهول/ مش ممكن همس؟؟!

ندي بعدم فهم/همس؟همس مين؟؟!

ادم/هو انتي مش همس؟

ندي/لا انا اسمي ندي

ادم/مش ممكن بجد شبها جدااا

ندي/افندم؟!

ادم/ لا ولا حاجه و بعد حوار بينهم لمده عشر دقايق ليتعرف ادم علي خبرات ندي اكتر في العمل

ادم/انتي السي ڤي بتاعك كويس هتكوني هنا المترجمه الخاصه بالشركه مواعيد العمل من 10 ل 5 و الشغل الاسبوع كله ماعدا الجمعه طبعا و تقدري تستلمي شغلك من دلوقتي

ندي/تمام يا فندم

ادم / الو مايا تعالي لو سمحتي

مايا/حاضر يا فندم

مايا بتخبط

ادم/ادخل

مايا/ اؤمر يا فندم

ادم/ ندي هي هتستلم الشغل دلوقتي يا مايا وريها مكتبها و فهميها كل حاجه

مايا/حاضر يا فندم

و انصرفو مايا و ندي.

ادم لنفسه بتفكير و ذهووول/مش ممكن شبها بالظبط مش معقول بجد يا تري ايه هيكون رد فعل عمر لما يشوفها شعر ادم انه بحاجه اراحه قليلا و قام بتشغيل التليفزيون

ادم بضحك/ خديجه هانم وقتك جه خلاص

وصل عمر الشركه و دخل لادم

ادم/ اهلا بس ايه النشاط دا كله من الطياره علي الشركه كدا علي طول

عمر/اه شوفت بقا قولت اجي اشوفك و اشوف اخبار الشغل

ادم/كلو تمام قولي خلصت كل العقود هناك

عمر/عيب عليك كلو تمام صحيح لاقيت حد للترجمه و كمان لحكايه العلاقات العامه

ادم/احم اه هو انا لسه معين ال تبع قسم الترجمه دلوقتي يعني احنا ورانا اجتماع كمان شويه و هتشوفها اكيد

عمر/كويس و العلاقات العامه؟!

ادم/لا العلاقاات العامه دي بقا سيبهالي انا بتكتكلها ع الهادي

عمر/ مش مرتاحلك بس ماشي انا هروح مكتبي عشان فيه شويه حاجات عايز اعملها قبل الاجتماع

ادم/ تمام

في شغل خديجه

مازن/ستوووب هايل يا خديجه كل يوم بتثبتي شطارتك

(مازن يبقي المخرج بس هو و خديجه قريبين من بعض و اصدقاء)

خديجه/ ميرسي يا مازن من ذوقك

مازن/احم صحيح انا من كام يوم كدا شوفتك انتي و صاحبتك في كافيه##

خديجه/اه فعلا كنا هناك يوم الخميس

مازن/ اها تمام شكلكوا اصحاب من زمان

خديجه / اه جدا ندي صاحبه عمري و جارتي من زمااان جدااا

مازن/هي اسمها ندي اسمها حلو اووي شكلها

خديجه بخبث/ احم مالك كدا مهتم و حلو وبتاع ها؟!قول قول

مازن/شوف البتجرجرني ف الكلام و جه صوت قاطعهم

احدي العاملين/استاذه خديجه رئيس المحطه عايز حضرتك

خديجه/ حاضر

مازن/ و دا عايزه ايه

خديجه/ مش عارفه هروح و اشوف

مازن/ماشي تمام

في مكتب ثروت

خديجه بتخبط

ثروت/اتفضل

خدجه/خير يا مستر ثروت سمعت انك عايزني

ثروت/اه يا خديجه الحقيقه عندي ليكي خبر حلو

خديجه/خير

ثروت/في شركه من اكبر شركات الانتاج الاعلامي طلبت مني اعرض عليكي تشتغلي معاهم في العلاقات العامه و كمسؤله عن تنظيم البرامج

خديجه/بس انا بحب شغلي كمذيعه مش عايزه اسيبو

ثروت/محدش قال انك هتسيبيه و بعدين روحي و قابليهم مش هتخسري حاجه بالعكس

خديجه/تمام و دي شركه ايه؟!

ثروت/شركه المصري اتصلي بالرقم دا و خدي معاد بكره

(خديجه كانت ناسيه خالص موضوعها مع ادم لان عدا وقت طويل اوي)

خديجه/ماشي تمام

في شركه المصري

ندي في طريقها لاوضه الاجتماعات بس و هي ادام الاوضه جالها تليفون من خديجه

خديجه/ هما كل البيشتغلو بينسو حبايبهم كدا

ندي/لا والله بس ورايا اجتماع كنت بحضرله

خديجه/انتي قولتيلي الشركه ال انتي فيها اسمها ايه؟!

ندي/المصري

خديجه بفرحه/شكلي كدا هكون زميله ليكي

ندي بفرحه/بجد ازاي؟

خديجه/ ولا حاجه يا ستي هشتغل عندكو ف العلاقات العامه و قسم تنظيم البرامج دا لو مقا**ه بكره تمت علي خير يعني

ندي/ان شاء الله هتم بس سيبك انتي حلقه انهارده كانت تجنن

خديجه بسعاده/كويس الحمد لله يلا اسيبك بقا عشان معطلكيش

ندي/تمام يا حبيبتي سلام

خديجه/سلام

و دخلت ندي اوضه الاجتماعات غافله عن هذا الواقف خلفها يبتسم

ادم/يعني ندي طلعت صاحبت خديجه تمام كويس بس برضو لازم اخد بالي لغايه م ال في دماغي يتم و القطه تدخل القفص

دخل ادم اوضه الاجتماعه مكانش فيه حد غير ندي ادم كان بيفكر في رد فعل عمر لما يشوفها

ندي/مش المفروض الاجتماع دلوقتي

ادم/اه المندوب الفرنسي زمانه جاي

ثم دخل عمر

عمر في ذهوووول/مش ممكن همس انتي عايشه ممتيش

ندي/تاااني همس انا ندي مش همس

عمر/ندي ازاي يعني انتي مش همس

تدخل ادم في الحوار و حاول تهدئه عمر

ادم/تعاله معايا ع المكتب ندي لما الضيف يوصل ادي خبر لمايا تقولنا

ندي/حاضر

ندي لنفسها بعد م خرجو/ و دي مين همس دي كمان ال كل شويه يندهولي بيها

في مكتب ادم

عمر/ يعني دي مش همس؟؟!مجرد واحده شبها طب ازاي الشبه دا كله

ادم/ انا كمان والله قولت زيك كدا بس انا اتأكدت انها مش همس

عمر بحزن/ياااه لو كانت همس يا ادم

ادم/معلش يا عمر احنا اتفقنا علي ايه هي حاسه بيك و روحها معاك

عمر/ماشي يأدم

الباب بيخبط

ادم/ادخل

مايا/حضرتك الضيف وصل

ادم/ ماشي يلا يا عمر

في غرفه الاجتماعات

الاجتماع بدأ و ندي كانت متألقه في شغلها و محضراله كويس جدا و بعد ساعه الاجتماع انتهي و الضيف مشي

ندي/حضرتك محتاج حاجه

ادم/لا يا ندي تقدري تتفضلي

ادم/عمر عايزك تعالي معايا المكتب

عمر /ماشي

في مكتب عمر

ادم/بص بقا يا معلم عايزك ف مهم رسميه

عمر بضحك/مهمه رسميه مره واحده قول يا سيدي

ادم/انا لاقيت حد للعلاقات العامه و تنظيم البرامج و هتيجي بكره تقابلك

عمر/مين دي؟؟!

ادم/خديجه الداالي

عمر/والله كويس بس هو انت ليه بتتكلم كدا زي م يكون بينكوا طار

ادم/عمر هو انت مبتشبهش عليها

عمر /اكيد بشوفها ف التليفزيون

ادم/لا تفتكر الحفله ال اعدت تحفل عليا فيها انا و المراسله هي دي بقا المراسله

عمر/يااااه د انت قلبك اسودد اووي

ادم/انا حالف اعلمها الادب

عمر/ادم دي مش لسه المراسله الصغيره دي بقت مذيعه مشهوره يعني اللعب معاها مش سهل

ادم/نفذ انت بس ال هقولك عليه

عمر/اتهبب قول

ادم/اسمع يا سيدي هي هتيجي بكره تتفق علي كل حاجه انا بقا عايزك تريحها خالص و تحاول تسايسها لغايه م تمضي العقد و الباقي بقا عليا انا

عمر/ بس فكرك مش هتاخد بالها من اسم الشركه او انك انت صاحبها

ادم/يا عم اذا كنت انت نسيت اومال انا صبرت كل دا ليه عشان تكون نسيت و اعرف اوقعها صح

عمر بهزار/شرير اوي يعني

ادم/هي لسه شافت حاجه

اليوم عدي و كل واحد روح بيته

في بيت خديجه

خديجه/الو

سمير/الو يا فندم

خديجه/معاك خديجه الدالي كنت بتكلم بخصوص و لسه مكملتش

سمير/اهلا خديجه هانم احنا عندنا معلومات بكل حاجه بكره الساعه1 مناسب؟!

خديجه/اه تمام

سمير/تمام يا فندم مع السلامه

خديجه/سلام

في اوضه عمر قبل ان يذهب في النوم

عمر و هو بيكلم صوره همس/عارفه يا همس انهارده شوفت واحده شبهك بالظبط في الشكل كنت في الاول بحسبها انتي بس لما شوفتها بتتعامل و شوفت اسلوبها اتأكدت انها مش انتي سامحيني يا حبيبتي اني غلط غلطه زي دي انتي ملكيش شبه ابداا يا همس و انا عايش علي امل اني اقابلك قريب في عالمك اخر ما قاله عمر قبل ان يذهب في النوم

تاني يوم الصبح في بيت خديجه

ندي/يعني انتي معادك1 !يا خساره مش هتنزلي معايا

خديجه/معلش لو اشتغلت هناك هننزل كل يوم سوا

ندي/طيب سلام انا بقا عشان متأخرش ابقي طمنيني عملتي ايه؟!

خديجه /ماشي يا حبيبتي سلام

خديجه فطرت و بعدين لبست و نزلت

في شركه المصري

مريم/مستر عمر خديجه الدالي بره

عمر/خليها تتفضل فورا

مريم /حاضر

مريم/اتفضلي يا فندم

خديجه/ازيك مستر عمر

عمر/اهلا خديجه هانم طبعا حضرتك عارفه عايزينك ف ايه

خديجه/اه بس انا اهم حاجه عندي مواعيد حلقاتي متتأثرش

عمر/حالا هنظبط المواعيد حضرتك حلقاتك بتبقي خميس و جمعه الجمعه كدا كدا اجازه و الخميس تقدري تاخديه نص يوم

خديجه/تمام

بعد م اتفقوا علي كل حاجه

عمر/مش فاضل غير اننا نمضي العقد

خديجه/تمام

تم امضاء العقد

عمر/الحقيقه معظم شغل العلاقات العامه بيكون مع مستر... قاطعه ادم ال كان واقف ورا خديجه

ادم/ادم المصري معظم شغلك هيكون مع مستر ادم المصري ثم اكمل بسخريه /ها اخبار فستانك ايه دلوقتي لسه القهوه مطلعتش منه؟!

خديجه/هو انت ؟؟!!