ملاذى

الحكايه ١٠

وصلنا لغايه ان شمس قررت تعمل لوك لخديجه مختلف ف الحفله دي شمس ادت لخديجه عبايه صعيدي حلوه اووي

خديجه/هدخل البسها

شمس/ماشي

بعد خمس دقايق خديجه خرجت و كان شكلها فيها حلو اوي

شمس/شوفتي مش قولتلك هتبقي حلوه اووي عليكي.... و دلوقتي بقا وقت الميك اب و الشعر

خديجه/بس انا محجبه

شمس/متخافيش احنا هبقا جوا هنا في مكان للستات بس

خديجه/بجد؟!يعني مش هنخرج بره

شمس/لا و مفيش رجاله هتدخل خالص

خديجه/اها طيب تمام

شمس بدأت تحط ميك اب لخديجه اكتر حاجه ظهرتها الرووچ و الايلاينر عشان تطلعها ف لوك مختلف عن العادي بتاعها و كمان فردت شعرها و سابته عادي ماهي عرفت انها هتبقي البيت بقا و كلهم ستات

خديجه بضحك/يا بنتي بقالك ساعه بتلوني عايزه اشوف

شمس/خلاص خلصت اهو اتفضلي يا ستي شوفي

خديجه/ايييه داااا يا بنت ال ايه حلو اووي و مختلف فعلا

شمس/شوفتي بقا عشان تعرفي بس

خديجه/لا برافو ميكب ارتيست شاطره

شمس/شكرا يا خديجه يلا بقا ننزل

خديجه بتردد/هو انتي متأكده ان مفيش رجاله خالص اخرج ب*عري كدا عادي

شمس/يا بنتي متخافيش

خديجه/طيب يلا

شمس و خديجه خارجين لاقو ادم ف وشهم

خديجه شهقت/ادم انت بتعمل ايه هنا

ادم متنح

خديجه/متنح كدا ليه مش المفروض هنا ستات بس و......... الطرحه هدخل اجيب طرحه

خديجه دخلت حتط طرحه علي شعرها و خرجت لاقته لسه واقف و متنح

خديجه/هو انت متنح كدا ليه.

شمس/احم طب انا هسبقك يا خديجه

خديجه/ماشي يا شمس ثم التفتت الي ادم /ها هتفضل متنح كدا كتير يعني.

ادم بذهول/انتي حلوه كدا ازاي انتي ايه ملاك

اي حاجه بتليق عليكي و بتحليكي

خديجه/ادم انا نازله و انت كمان روح لصاحبك

ادم/استني بس انتي بجد حلوه اووي.

خديجه بغضب مصطنع/يووه مش هستني و هنزل

نزلت خديجه و ادم فضل متابعها

بعنيه لغايه م نزلت

ادم لنفسه/مش ممكن بجد

ادم خرج لعمار و انبسط اووي بوجودهم مع بعض و خديجه كمان كانت مبسوطه اووي كان بقالها كتير مفرحتش كدا من قلبها و دا كان هدف ادم من السفريه.

الفرح خلص و الكل فرحان و ادم و خديجه طلعو يحضروا حاجتهم عشان معاد الطياره

شمس/بجد انا حبيتك جدا

خديجه/انا كمان والله بجد يا جماعه بشكركوا اووي علي الاستضافه الحلوه دي و هنستناكم بقا ف القاهره تنورونا شويه

عمار/شكر علي واجب و حاضر ان شاء الله ننزل القاهره

سلموا علي بعض كلهم و طلعو ادم و خديجه علي المطار

في سياره ادم

ادم/كان شكلك زي القمر انهارده

خديجه ساكته مش عارفه تقول ايه

ادم/طيب هتفضلي ساكته كدا كتير

خديجه/هقول ايه

ادم/ معرفش بس عادي انا بعبر عن رأي انك كنتي قمر فعلا و مش ف الفرح و بس انتي دايما قمر يا خديجه

خديجه/هو انت ممكن تسكت و تركز ف الطريق مش كفايه مسفرنا بليل كدا

ادم/خايفه ولا ايه

خديجه/لا انا مبخافش و انت عارف كويس

ادم/امال ايه بقا

خديجه/انا كان فيه حاجه كدا بفكر فيها

ادم/حاجه ايه

خديجه/تفتكر مين الكليمني و قالي علي كريم

ادم/الموضوع دا فكرت فيه برضو بس ملاقيتش غير اجابه واحده

خديجه/ايه هي؟!

ادم/الناس العملتي الحلقه ضدهم في شرم

خديجه/بس هيستفيدو ايه

ادم/هيستفيدو ايه؟؟! دول ناس حاولو يقتلوكي مره و اتنين يعني لو لاقو فرصه يأذوكي او يوجعوكي فيها مش هيتأخروا

خديجه/ماشي

ادم/فيه حاجه كمان عايز اقولهالك تاليا هي السميتك

خديجه/تاليا؟؟؟!طب ليه..... عشان كدا انت طردتها و لاغيت ارتباطكم

ادم/اه دي اقل حاجه كنت ممكن اعملها بعد العملته

عدي الوقت و ركبو الطياره و وصلو القاهره

ادم/يلا اركبي هوصلك

خديجه/معايا عربيتي

ادم/انتي اكيد شايفه الساعه كام صح

خديجه/ اه و ايه يعني و بعدين مين هيجيب العربيه

ادم/خديجه كدا كدا انتي مش جايه بكره الشركه عشان خطوبه ندي و قبل بليل ان شاء الله العربيه هتكون عندك يلا بقا اركبي

خديجه/طيب

بعد ساعه خديجه وصلت البيت

ادم/حمد الله ع السلامه

خديجه/الله يسلمك مش عايز حاجه

ادم/شكرا تصبحي علي خير

خديجه/و انت من اهلو

مشي ادم و طلعت خديجه كانو مرهقين اووي و الاتنين كان كل ال ف بيوتهم نايمين فنامو هما كمان لغايه الصبح.

في الصباح

خديجه صحيت و سلمت علي امها ال كان بقالها فتره مسافره و قررت تروح تصحي ندي عشان يبدأو يومهم

في غرفه ندي خديجه دخلتلها.

خديجه/بقا فيه عروسه تنام لغايه دلوقتي برضو

ندي/يووه عايزه انام مش قادره

خديجه/ندي قووومي

ندي قامت و اتفاجئت بوجود خديجه

ندي/خدييجه حمد الله علي السلامه كدا برضو التأخير دا

خديجه/معلش والله حكيلك علي كل حاجه بس يلا نقوم دلوقتي عشان منتأخرش

ندي/ماشي يلا

ندي قامت جهزت و لبست و نزلت هي و خديجه

بس خديجه لما نزلت اتفاجئت بعربيتها موجوده

خديجه لنفسها/اييه دا معقول العربيه لحقت جت

ندي/بتقولي اييه

خديجه/تعالي بس نركب و هحكيلك

في عربيه خديجه

خديجه قررت تكلم ادم تشكره

خديجه/صباح الخير

ادم/صباح النور عامله ايه

خديجه/الحمد لله و انت

ادم/بخير

خديجه/يعني انا لقيت العربيه قدام البيت فكلمتك اشكرك

ادم/تشكريني علي ايه بس م انا ال اصريت امبارح تسبيها

خديجه/انك فاكر و مهمتم

ادم/انا مش بنساكي يا خديجه عشان افتكرك

خديجه/هشوفك انهارده ان شاء الله انت و عمر

ادم/اكيد طبعا

خديجه/تمام مش عايز حاجه

ادم/لا شكرا مع السلامه

خديجه/سلااام

ندي/اممم لا د واضح ان فيه حاجات كتير حصلت انا معرفهاش

خديجه /لا والله خالص خديجه حكت كل حاجه لندي

ندي/الله لبستي عبايه صعيدي

خديجه/اااه شوفي الصور علي موبيلي

ندي بتقلب ف الصور/شكلك كان حلو اوووي يا ديچا بجد و ايه الميك اب القمر دا

خديجه/اه دا شمس العملتهولي.

ندي/طيب و ادم

خديجه/مالو

ندي/هو ايه المالو رد فعلو كان ايه

خديجه/ استغرب شكلي شويه و تقريبا عجبو بس عادي برضو

ندي بضحك/طبعا طبعا عادي م انا عارفه

في مكتب ادم الباب بيخبط

ادم/ادخل

عمر/صباح الخير يا ادم حمد الله ع السلامه

ادم/صباح النور الله يا سلمك ايه اخبارك

عمر/بخير الحمد لله متنساش انهارده خطوبه ندي

ادم/اكيد مش ناسي عمر عايز اسألك عن حاجه

عمر/من غير م تقول انا فرحان لندي جدااا و مش ضايق عشان انا و هي صحاب و بس

ادم/طمنطني.

عمر/متقلقش مفيش واحده هتحل مكان همس

ادم/يا عمر انت داخل علي سنتين اهو حاول....

قاطعه عمر/مش هعرف يا ادم و هبقا بظلم الهرتبط بيها دي معايا

ادم/ماشي يا عمر علي راحتك

في بيت تاليا

تاليا بتتكلم في فونها

تاليا/ها عرفت هتعمل ايه

احد رجالها/عرفت متقلقيش

تاليا/التنفيذ هيكون انهارده بليل مش عايزه غلطه

احد رجالها/تمام

تاليا/سلام

احد رجالها/سلام

تاليا لنفسها/ماشي يا ادم وقت الحلوه بتاعت جه خلاص وريني بقا هتعمل ايه المره دي

اليوم عدي علي الكل و ندي و خديجه بيجهزو سوا عشان الخطوبه و ادم و عمر في الشركه و تاليا مستنيه نتايج خططها

جه الليل و مازن وصل عشان ياخد ندي

ندي كان شكلها عسول هي و خديجه ندي كان فستانها بينك و كانت لابسه شابوو سيمبل و ميك اب سيمبل برضو و خديجه كانت لابسه فستان فستان مووڨ سيمبل جدا و طرحه سوده و شنطه و شوز نفس لون الطرحه و ميك اب بسيط كان شكلها عسول اووي

مازن و ندي و خديجه وصلو مكان الاحتفال بالخطوبه عدي شويه وقت بس عمر و ادم كانو لسه مجوش خديجه كانت مع ندي بس كانت كل شويه تبص علي الباب كانت عايزه ادم يجي و فعلا ف اللحظه دي ادم جه

خديجه عملت مش واخده بالها فضلت مع ندي و صحابهم لغايه م ندي و مازن اعدو مع بعض و خديجه قررت تروح تسقبلهم و تسلم عليهم

ادم فالاول مكانش شايفها

ادم/هي خديجه فين

عمر/احم و انت بقا جاي لندي ولا لخديجه

ادم بضحك/دور معايا و انت ساكت و بطل غلاسه

عمر/لاقتها اهي جايه علينا علي فكره

ادم/دايما كدا زي القمر

خديجه وصلتلهم

خديجه/ازيك يا ادم... ازيك يا عمر

ادم و عمر/كويسين مب**ك

خديجه/الله يبارك فيك

عمر/عقبالك بقا مش ناويه تفرحينا بيكي.

خديجه/لااا بعد الشر عليا يا سيدي انا كويسه كده

ادم بخبث/احم طب م تجربي مش هتخسري

خديجه/طيب يا جماعه اتفضلو

ادم و عمر دخلو و سلمو علي ندي و مازن و باركولهم و اعدو

بعد مرور وقت من الاحتفال عمر جاله تليفون

عمر/الو يا ماما

ام عمر/عمر حبيبي شاهين ابن عمك لسه واصل

عمر/اييه دا المفاجأه الحلوه دي

ام عمر/طب ايه مش هتيجي تقعد معاه شويه دا جايلك مخصوص

عمر/طيب جاي اهو

عمر/ادم انا هضطر امشي عشان شاهين لسه واصل و لازم اروحله

ادم/مااشي

عمر/يلا هيحلالك الجو اهو سلام

ادم بضحك/سلاام

عمر مشي و ادم فضل متابع خديجه بعنيه

كانت واقفه تتكلم مع واحد من التيم بتاعها كانو بيضحكو

ادم اضايق و قرر يقوم يوزعه و يتكلم معاها

ادم/خديجه عايزك لو سمحتي

خديجه/اه طبعا اتفضل

ادم و خديجه خرجو بعيد عن الدوشه شويه

ادم بغضب/مين ال كنتي واقفه تضحكي معااه دا

خديجه/واحد من التي......

قاطعها ادم بغضب/و لما هو واحد من التيم واقفه تهزري و تضحكي معاه كدا ليه

خديجه/بغضب ملكش دعوه انا حره و بعدين انا معملتش حاجه غلط علي فكره

ادم فضل يقرب و هي ترجع ورا لغايه م بقي وراها عمود

ادم/مش حره و انتي بتاعتي انا و بس

خديجه/انسي.

ادم/هنشوف و سابها و دخل

خديجه دخلت وراه و جت لحظه انهم يلبسو بعض الخواتم و احتفلو كلهم بدا و خلصو

مازن خد ندي و خرجو يسهروا ف مكان لطيف.

و خديجه ودعت مامتها عشان كانت راجعه تاني لاخوها

و متفضلش غير هي و ادم

خديجه لقت عجله العربيه نايمه

خديجه/يوووه وقتك دا يعني.

ادم لاحظ دا فراحلها/يلا يا خديجه هوصلك

خديجه/لا انا بطلب اوبر

ادم/انتي مش شايفه الساعه كام

خديجه/لا و بعدين ملكش دعو بياا.......

قاطعها ادم و شدها من دراعها للعربيه متجاهل ثرثرتها ال مش بتخلص

خديجه كانت متعصبه اووي من حركته

بعد م ركبو و هو اتحرك

خديجه/هو انت مجنون وازاي تعمل كدا خلي بالك هتتحاسب علي الحركه دي متتعداش حدودك معايا انت فاهم

و خديجه مش راضيه تبطل كلام وهو عمال يضحك عليها

فضلت متعصبه كدا كتير لغايه م طلع عليهم قطاع طرق.