ملاذى

الحكايه ٤

في المستشفي ادم و عمر و ندي واقفين قدام الاوضه بتاعت خديجه

ندي ببكاء/ربنا يستر يارب

عمر. بحزن /متقلقيش يا ندي هتقوم ان شاء الله

ادم كان واقف علي اعصابه

و بعد مرور ساعه من القلق خرج الدكتور

ادم بلهفه/ها ي دكتور خديجه عامله ايه

الدكتور/للاسف حالتها كانت صعبه جدا احنا عملنا ال نقدر عليه و خرجنا السم من جسمها بالعافيه الساعات الجايه لو عدت علي خير يبقي كدا عدينا مرحله الخطر ادعولها كتيير

ادم/سم؟؟؟؟!!

دكتور/اه هي اتعرضت لحاله تسمم و السم ال خدته من اخطر انواع السم

ادم بخووف/طب مينفعش نشوفها

الدكتور/ممكن واحد بس ال يدخلها و يبقي معاها

ندي/طيب انا هفضل

ادم/ندي روحي انتي و عمر و اي جديد هبلغك عشان الوقت اتأخر

ندي /انت بتقول ايه انا مش ممكن اسيبها

ادم/يا ندي متخافيش والله لو حصل حاجه هبلغك

ندي لسه هترد قاطعهم صوت فون خديجه كانت ام خديجه

سمر/الو يا خديجه يا حبيبتي انا قولت اقولك ان حصلت ظروف و ممكن اسافر عند خالك يومين عشان تعب شويه

ندي بتحاول تبان طبيعيه/انا ندي يا طنط مش خديجه

سمر/غريبه امال خديجه فين

ندي/مفيش هي بس ف شغل بره الشركه و نسيت فونها معايا

سمر/طيب ي حبيبتي لما لما تيجي قوليلها اني مسافره يومين عند خالها و خليها تكلمني

ندي/حاضر يا طنط مع السلامه

سمر/سلام

عمر/ليه مقولتلهاش

ندي/عشان مقلقهاش

عمر/ ماهي كدا كدا هتعرف

ندي/لا كانت بتكلم خديجه عشان تقولها انها مسافره يومين

عمر/ماشي

ادم/المهم دلوقتي روحي انتي و عمر و بعدين مش بتقولي ان انتي و خديجه جيران كدا مامتك هتحس بحاجه و كدا ممكن تقول ل مامه خديجه

ندي/بس انا مينفعش اسيبها

ادم/هي نايمه دلوقتي و بعدين هو سواد الليل دا بس و اصحي بدري تعالي

ندي/ماشي بس لو حصل حاجه كلمني

ادم/حاضر يلا روحي انتي و عمر

ندي /ماشي

مشيو ندي و عمر و ادم دخل لخديجه

في شركه المصري في مكتب تاليا

حمزه/ كله تمام

تاليا بشر/برافو عليك و دا نصيبك

حمزه بجشع/الف شكر لو عوزتي حاجه تاني انا ف الخدمه

تاليا/ماشي اتفضل انت بقا

حمزه/سلام.

و خرج حمزه و ساب تاليا علي وشها ابتسامه انتصار

نروح لعمر و ندي

عمر/انا عارفه انك خايفه و زعلانه علي خديجه بس خير ان شاء الله هتقوم بالسلامه ادعيلها

ندي بحزن/يارب

عمر /يلا اركبي

ندي/لا شكراا انا هطلب اوبر

عمر/اوبر ايه لا طبعا و كمان بكره قوليلي هتنزلي امتي عشان اعدي عليكي

ندي/ليه كل دا مش مستاهل

عمر/لا مستاهله عربيتك هناك عند الشركه و حتي مفتيحك نستيهم ف مكتبك يلا بقا بلاش عند

ندي/حاضر

في المستشفي عند ادم و خديجه

خديجه نايمه و ادم اعد جنبها

ادم بحزن/خديجه انا عارف انك حاسه بيا دلوقتي تعرفي انا مكنتش متوقع اني هخاف عليكي اووي كدا انا لما شوفتك كدا ف الحاله دي حسيت ان قلبي كان هيقف و عقلي مشلول مش عارف اعمل ايه تعرفي انا اول مره اشوفك بالرغم من ان كلامك عصبني لكن عجبتيني اووي عجبني شخصيتك ال متنازلتيش عنها قدامي و اسلوبك تعرفي كمان يوميها حسيت بحاجه غريبه اووي ثم اكمل ببتسامه اصلا انك تفضلي ف دماغي لغايه دلوقتي دا ف حد ذاته مش طبيعي بالنسبه ليا بقالي كتير اووووي بضحك علي نفسي و بقول اني عايزك معايا و قريبه مني عشان اعاقبك بس الحقيقه ال مباقتش قادر معترفش بيها اني شكلي حبيتك انتي مختلفه اووي و جميله انتي ال **رتي قواعدي يا خديجه

بعد م خلص ادم كلماته خديجه ابتدت تفتح عنيها براحه

في عربيه عمر

ندي ساكته بتفكر ف خديجه و عمر بيحاول يفصل ال**ت دا

عمر/احم ايه ساكته ليه.

ندي/لا مفيش عادي هقول ايه

عمر/انا عارف ان موضوع خديجه مأثر عليكي فكره انك تشوفي حد قريب منك في الوضع دا او ف المستشفي صعب انا فاهم دا هنا ندي فهمت انه بيتكلم عن حاله عاشها بنفسه و غالبا بيتكلم عن همس

ندي/احم هو انا ممكن اسألك سؤال

عمر/اكيد

ندي/انا عارفه انك زعلان علي همس بس انت قولت قبل كدا انك عارف انها حاسه بيك و اكيد مش هتكون مبسوطه و انت كدا يعني اكيد مش هتكون سعيده و انت جواك حزيين كدا

عمر/بس انا مش حزين ...

قاطعته ندي

ندي/اهو دا ال اكيد مزعلها انك دايما بتحاول تبين ع** الجواك مش عايز تتكلم

عمر بصلها بطريقه ندي مقدرتش تفهمها

ندي /بتبصلي كدا ليه

عمر/مش عارف بس انتي اول حد بعد موت همس يفهمني و يحس بيا بحس انك بتقولي كل حاجه جوايه زي م يكون كتاب مفتوح و انتي بتقرأي منه

ندي بتبصله بستغراب من كلامه

و ساد ال**ت تاني ف العربيه و كل واحد فيهم مبقاش فاهم طبيعه مشاعره تجاه التاني

في المستشفي

خديجه ابتدت تفوق

ادم بفرحه/خديجه انتي فوقتي

خديجه لسه مفاقتش اووي بتحاول تفتح عنيها/اااه مش قادره

ادم خرج بسرعه ينده للدكتور

الدكتور دخل و فحص خديجه

ادم/ها يا دكتور

الدكتور/ الحمد لله الحاله استقرت بس هتقعد معانا لغايه بكره عشان نطمن عليها و خرج الدكتور و خديجه كانت فاقت

ادم بهدوووء/حمد الله ع السلامه ي خديجه

خديجه/ الله يسلمك انت كنت هنا طول الوقت دا تعبتك معايا اووي

ادم/مفيش تعب ولا حاجه ي خديجه المهم انتي عامله ايه دلوقتي

خديجه/احسن الحمد لله انا معرفش ايه ال حصلي فاجأه حسيت بتعب مع اني كنت كويسه

ادم/احم الدكتور قال انها حاله تسمم

خديجه/تسمم؟!! ازاي.

ادم/مش عارف بس هعرف و هأدبه اصبري عليا

خديجه/احم هو انت كنت بتتكلم معايا.

ادم بقلق/ايه دا هو انتي سمعتيني

خديجه/لا بس يعني حسيت بيك

ادم/لا ممكن تهيؤات او حاجه من اثر الدوا

خديجه و هو بتروح ف النوم /ممكن

خديجه نامت

ادم ببتسامه/كنت متأكد انك كنتي حاسه بيا

في اوضه ندي

ندي لنفسها/هو فيه ايه ليه كل يوم بحس ان ال بيني انا و عمر بيكبر و انها مش مجرد صداقه انا خايفه اووي خايفه من الجاي و عمر صعبان عليا مش هقدر اتخلي عنه او اسيبه

فاقت ندي علي صوت فون خديجه ال خدته معاها كان مازن المخرج بتاع برنامج خديجه

ندي/الووو

مازن/الو مش دا فون خديجه

ندي/اه هو بس خديجه تعبانه شويه و فونها معايا انا ندي صاحبتها

مازن بفرحه/ندي؟!

ندي /اها هو حضرتك تعرفني

مازن/احم لا ابدا هي خديجه مالها

ندي حكتله الحصل

مازن/يا خبر بكره ان شاء الله هاجي اطمن عليها ف المستشفي

ندي/تمام مع السلامه

مازن/سلاام

في غرفه عمر

البيحصل دا مينفعش ابداا لازم اتحكم ف نفسي اكتر من كدا و افهم انها ندي مش همس مينفعش البعمله دا كدا هظلمها معايا و هعذب روح همس

مرت الليله علي الجميع و جاء الصباح

ندي و عمر راحو ل خديجه خديجه كانت اتحسنت و ف وسط كلامهم كلهم الباب خبط ندي قامت فتحت

مازن/ندي صح؟!

ندي/اه انا مين حضرتك

مازن/انا مازن ال اتصلت امبارح

ندي/اهلا وسهلا اتفضل

دخل مازن

خديجه/ماازن ازيك

مازن/انا كويس انتي ال عامله ايه يا بلوه انتي

خديجه بضحك/البلوه كويسه يا سيدي

مازن/ايه الحصل دا و مين العمل كدا

خديجه/مش عارفه والله يا مازن بس وكيل النيابه لسه ماشي و هنشوف نتيجه التحقيقات

مازن/اهم حاجه بيقتي كويسه

خديجه/اه الحمد لله

ادم كان مضايق من علاقه مازن بخديجه لانه اول مره يشوف واحد واخد علي خديجه كدا

مشي مازن و خديجه اتحسنت و خدت اجازه كام يوم ترتاح شويه

في بيت ندي فونها بيرن

مازن/الو

ندي/الو مين معايا

مازن /انا مازن

(مازن خد رقم ندي يوم م كان ف المستشفي بحجه انه يطمن علي خديجه بستمرار من غير م يزعجها)

ندي/ ازيك يا مازن خير فيه حاجه عايز خديجه

مازن/لا الحقيقه طبعا انتي عارفه ان خديجه هترجع الشغل بكره و بكره عندها حلقه فكنت بفكر نعملها حفله لطيفه كدا بمناسبه رجوعها بعد الحلقه

بما انك اقرب صاحبه ليها.

ندي/اكيد طبعا فكره حلوه جدااا

مازن/ و كمان لو فيه حد تاني هتنبسط لما تشوفه او قريب منها ممكن تقوليله يجي

ندي/تمام اتفقنا

وصلنا لغايه م طلع علي ادم و خديجه قطاع طرق

خديجه بخوف/اييه دا فيه ايه

ادم بحذر/متخافيش

قطاع الطرق نزلو من عربياتهم و نزلو ادم و خديجه من العربيه.

ادم/سيبوها و اتكلمو معايا انا

احدهم/نسيبها د احنا جاين عشانها مهمتنا نوجعك عليها يأدم بيه

ادم بغضب/ال هيقرب منها هشرب من دمووو عدد منهم و مسكوا ادم و التانين كانو ماسكين خديجه

ادم/سيبوها

خديجه كانت خايفه جدا الشويه الماسكنها بدأوا يعتدو عليها لغايه م فقدت وعيها

ادم بيحاول يفك منهم بس عددهم كان كتير

و بعد م خديجه فقدت وعيها سابوهم و مشيوو

ادم برعب/خديجه حبيبتي عملو فيكي ايه

ادم شالها و راح بيها علي المستشفي

في المستشفي

ادم واقف قدام اوضه خديجه علي اعصابه و مرعوب عليها

و بعد نص ساعه الدكتور خرج

ادم بلهفه و خوف/ها خديجه جرالها حاجه طمني عليها ارجوك

الدكتور/هي اتعرضت لاعتداء

ادم بغضب/اه..هي..... هي اتأذت بسبب الحصل دا

الدكتور/للاسف اه و دا لما تفوق هيكون مسببلها حاله نفسيه صعبه طبعا دا زائد الكدمات ال ف جسمها.

ادم بوجع/طيب انا ممكن ادخلها.

الدكتور/اه اكيد اتفضل

نروح عند ندي و مازن

مازن/مب**ك يا حبيبتي اخيرا اتخطبنا

ندي/الله يبارك فيك اخيرا ايه بس م كل حاجه حصلت بسرعه اهي

مازن/لا يا ندي انا بحبك من زمان و حلمت كتير باليوم الهنكون فيه لبعض قدام كل الناس

ندي/و انا كمان بحبك اووي

مازن/ ياا نهاار دا انا محظوظ اووي و انا مش واخد بالي.

ندي/طبعا يابني اومال

مازن/يا لهوي علي التواضع

ندي و مازن بيضحكو

في المستشفي

ادم دخل لخديجه كانت فاقت بس مش قادره تتكلم كانت مصدومه من الحصل

ادم/خديجه انا عارف كويس ان الحصل مش سهل بس عشان خاطري متفضليش ساكته كدا عيطي صرخي اتكلمي متقلقنيش عليكي

خديجه ساكته مفيش اي رد فعل غير دموعها البتنزل ببطئ

ادم/يا خديجه ارجوكي اتكلمي

الدكتور دخل/سيبها متضغطش عليها انا مديها حقنه مهدئه و هتروح فالنوم دلوقتي

ادم/تمام يا دكتور

ادم فضل جنب خديجه طول الليل يفكر هيعمل ايه ف المشكله دي و يفكر ينتقم ازاي من العمل كدا

ادم خرج من اوضه خديجه عشان يعمل تليفون لواحد من رجالته و حكاله الحصل و اداله بيانات العربيات بس مقالش علي الحصل مع خديجه و قاله يجيبله العيال دول من تحت الارض

خلص ادم المكالمه و دخل تاني لخديجه

في منزل تاليا

تاليا بضحكه شريره/يعني نفذتو كل حاجه

واحد من رجالتها/كله تمام و كان قدام عنيه.

تاليا/برافو عليكو عدوا عليا عشان تاخدوا باقي حسابكوا.

قفلت تاليا و هي فرحانه

تاليا لنفسها/ وريني يا ادم هتبص ف وشها ازاي بعد الحصل قدامك .

مازن وصل ندي و كان الوقت متأخر فمرديتش تروح لخديجه و تقلقها و روحت و نامت لانه كان يوم طوييل

في اليوم التالي

خديجه ابتدت تفوق و ادم كان صاحي

ادم/خديجه صباح الخير

خديجه افتكرت الحصل/خير؟!خير ايه انا حياتي ادمرت خلاص

ادم/خديجه اهدي انا معاكي مش هسيبك اسمعيني كويس هعرف مين العمل كدا و هشرب من دمو ثم اكمل انا مش عايز حد يعرف الحصل حتي اقرب الناس دا هيكون سر بيني و بينك يا خديجه و انا نبهت علي الدكاتره حتي ف التحقيق هنقول انها كانت حادثه قطع طريق عاديه و انتي خوفت و فقدتي وعيك و جيتي هنا عشان نطمن عليكي

خديجه/هنستفاد ايه.

ادم/هنتجوز

خديجه بذهوول/انت بتقول ايه متوقعتش ابدا انك تستغل الموقف......

قاطعها ادم بحده/استغل؟!يعني تفسيرك لكل ال انا بعمله يا خديجه اني بستغلك و بستغل الموقف ال انتي فيه

خديجه/شكرا يا ادم والله انا مقدره كل البتعمله بس مينفعش تدفع تمن غلطه ملكش ذنب فيها

ادم/خديجه كلمي مامتك بعد م تخرجي عشان اروحلها و نحدد ميعاد الفرح انا بقولك علي الهيحصل الفتره الجايه مباخدش رأيك و هعلن ارتباطنا رسمي اول م تخرجي من المستشفي

خديجه/ايوا بس.....

قاطعها ادم/كلامي واضح مش محتاج شرح

في نفس اللحظه ندي كانت بتكلم خديجه

ندي/الو يا بنتي انتي فين

خديجه و هي بتبص لادم/اناا...انا...

ندي/قولي هو انتي علقتي

خديجه/انا في المستشفي

ندي/نعم ليه ايه الحصل؟اديني عنوان المستشفي الاول

خديجه/قالتلهاالعنوان

و بعد نص ساعه ندي و عمر كانو هناك

ادم حكالهم علي كل حاجه بس مقالش علي الحصل لخديجه قال انها اغمي عليها من الخضه بس و هو حب يطمن عليها.

الدكتور صرح لخديجه بخروج و ادم وصل خديجه و ندي البيت و راح هو و عمر علي الشركه بعد كدا

عدا كام يوم علي نفس الاوضاع بس خديخه خدت ميعاد لادم من والدتها و راح و اتفقوا ان الفرح كمان اسبوعين بحجه انهم يعرفوا بعض كويس و مش مستاهل خطوبه و قدام اصرار ادم والده خديجه وافقت و ندي و مازن كمان حددو ميعاد فرحهم هيكون بعد ادم و خديجه بفتره بسيطه

و في يوم ادم كان اعد ف مكتبه جاله تليفون

ادم/الو يا اسر عملت ايه في القولتلك عليه

اسر/جبنا العيال و هما دلوقتي ف المخزن مربوطين و مستنينك

ادم و هو بيتحرك بسرعه /انا جاي حالا

في المخزن ادم وصل و شاف العيال

جاب كرسي و اعد قدامهم و حط رجل علي رجل

ادم/انتو بقا شجعان السيما ال قطعتو عليا الطريق مش كدا

واحد منهم برعب(طلعت)/احنا ملناش دعوه يا ادم بيه والله احنا بنفذ اوامر و بس

ادم/ايوااا اوامر مين بقا

طلعت/لو قولنا هنموت

ادم/م انت لو مقولتش هتموت برضو علي ايدي يلا قول كدا زي الشاطر احسن م تندم علي اليوم التولدت فيه

طلعت بتردد/ كنا بنفذ كلام..... كلام....

ادم بغضب/انت علقت يالا ولا ايه ماتنطق

طلعت برعب/تاليا هنام هي القالتلنا نعمل كدا

ادم بذهول/تاليا ؟! معقول طلعت انسانه قذره للدرجاد بس ماشي لو مندمتهاش علي اليوم الفكره تعمل كدا فيه مبقاش انا ادم المصري.

ادم لرجالته قبل ما يخرج/مش عايز حته فيهم سليمه

وخرج متجه ل تاليا

دا نهايه الفصل الثامن عشر

_يا تري ادم هيعمل ايه في تاليا و ايه هيكون مصيرها

_ايه المستني خديجه مع ادم