SINUNDAN NAMIN NI Dave ang ex niya sa kuwartong pinasukan nito. Tumagos kami sa pader, tumambad sa amin ang takot na takot niyang ex. Nakatingin ito sa amin na ano mang segundo ay magsisisigaw na. May hawak na itong holy water na nasa maliit na babasaging bote at sinabuyan kami.
“Diana, huminahon ka,” pagpapakalma ni Dave sa babae. “Hindi ka namin sasaktan.”
“Anong ginawa ko sa ‘yo, ha? Bakit mo ako minumulto? Na-ghosting mo na nga ako noon, tapos ngayon mumultuhin mo pa talaga ako!” sigaw nito. “At nagsama ka pa talaga!”
Ako ata ang tinutukoy niya.
“Siya pa rin ‘yan,” sabi ko kay Dave.
“Salamat naman,” tugon ni Dave. “Kung gano’n may third eye din siya?”
“Malamang,” saad ko.
“Anong pinag-uusapan n’yo, ha?!” sigaw sa amin ni Diana.
Pumagitna na ako. Hinarap ko si Diana upang ipaliw
