“MABALIK TAYO SA babaeng multong nagpapakita kay Jose noong mga bata pa kami,” pagsisimulang muli ni Mang Pedro. “Hindi niya tinigilan ang pamilya Sinag. Maging ang mga kasambahay, tinakot niya at nagsialisan – ang pamilya namin ang tanging natira. Kumalat mula noon ang balita tungkol sa multo sa bahay na ito. Ang multong iyon, ay siyang multo ring nagpapakita kay Tiya Cecilia noong bata pa siya. Na natigil lamang noong umalis siya sa lugar nila sa Bikol. Muling natagpuan si Tiya Cecilia ng multo makalipas ang maraming taon sa bahay na ito ng napangasawa niyang Sinag, at ang anak niya naman ang ginambala nito, si Jose, ang lolo mo, Lukas. Ang multong iyon ang sinasabing dahilan nang pagkamatay ng magulang ni Tiya Cecilia, at hindi nito patatahimikin ang sino man sa pamilya nila. May matind
