“SA BARYO MADULOM,” sabi ko sa tricycle driver pagkasakay ko sa minamaneho niyang traysikel. Walang imik na nagmaneho ang drayber, ni ‘di ito nagtanong kung saan sa baryo Madulom. Katabi ko sa upuan si Sunshine at kapwa diretso lang ang aming tingin.
“Ikaw na naman ang sinaktan ng multong ‘yon. Lukas, sana hindi ka galit sa ‘kin.”
Nilingon ko si Sunshine sa sinabi niya. Bahagyang umiling ako para sabihin sa kanyang hindi ako galit at tahimik akong ngumiti. Niyakap ko na ang tadhana kong maging sinag niya, kaya ‘di ko siya dapat sisihin sa ano mang posibleng masamang mangyari sa ‘kin. Kahit pa may malakas na pitik na takot sa dibdib ko.
Nagkatinginan kami ni Sunshine nang lumagpas sa Hangganan ang pagmamaneho ng drayber. Buong akala ko ay ibababa ako ng drayber sa Hangganan. Na baka kila
