PINUNTAHAN NAMIN ANG bahay ng ex ni Dave na artista na si Candy. Sa Quezon City ang bahay ng dalaga, malapit sa SM North Edsa. Sumakay kami ng LRT ni Dave, may mga multo din na naroon, na hindi na kami nag-abalang makipag-usap pa.
“Ibig sabihin, hindi nalalaman ng mga tao na sa tabi pala nila may mga multo nang tumatagos sa kanila?” sabi ni Dave.
“At iyan ang iniiwasan ko noon,” sabi ko. “Isipin mo ‘yon, dumaan sila sa ‘yo, sa mga laman mo, tumagos na parang naging isa kayo?” sabi ko.
“Oo nga. Ag creepy no’n!” napasigaw pa si Dave. Pero buti may nakakaintindi na sa akin. Si Sunshine kasi naartehan sa akin kapag nababanggit ko ‘yon sa kanya.
Bumaba kami ng LRT at tinakbo na lamang ang riles nito. Medyo mabagal ang usad. At sa riles, may mga multo rin na nakasalubong kami. May isa pang s
