LUMIPAS ANG MGA araw, patuloy kami ni Sunshine sa pag-iisip sa mga posibleng paraan kung paano siya mabubuhay at kung saan posibleng naroon ang katawan niya – puro lang kami haka-haka – at patuloy na nababawasan ang mga sunflower sa bakuran.
Hinanap namin sa kabuuan ng bahay ang katawan niya, pero wala kaming nakita. Pinuntahan ko na rin ang gubat kung saan natagpuan ang bangkay ng kaibigan niyang si Elizabeth, dalawang araw akong naghalugad sa kagubatang ‘yon pero wala rin akong napala – ni kahit palatandaan, wala.
Nagtanong na rin ako sa kapitan ng baryo Madulom at sa presinto ng pulis na malapit na siyang humawak ng kaso, parehas ang sagot nila, isang katawan lang ng babae ang natagpuan. Ang bangkay ni Elizabeth na nakasuot ng berdeng gown.
Si Mang Pedro, hindi na nagpapakita. Pinunt
