NAGULAT SINA LOLO at Sunshine sa pagbabalik namin. “Apo, natapos ninyo na ang inyong misyon?” tanong ni lolo. Hindi ako sumagot sa tanong ni lolo, bagkus ay agad akong lumapit kay Sunshine at niyakap siya na ipinagtaka niya. Hindi ko kasi maitago ang aking pag-aalala. Dahil sa may kakaiba na rin kakayahan si Sunshine tulad ko, kaya nahahawakan na niya ang mga multo, kung kaya’t kahit kaluluwa ako ay nayayakap namin ang isa’t isa. “Mahal, ayos ka lang ba? May problema ba?” pagtataka ni Sunshine. “Ayos lang ako. Ayos kami,” sagot ko. Hinarap ko silang dalawa ni lolo. “May kakaiba bang nangyari rito?” tanong ko sa kanila. “Wala naman, mahal,” nakangiting sagot ni Sunshine. “Apo, may problema ba?” tanong naman ni lolo. “Wala po, ‘lo. Na-miss ko lang po agad ang mag-ina ko,” palusot ko. P