ATHENA’S POINT OF VIEW
Tatlong araw na ang lumipas mula nang makalabas ako sa ospital. Tatlong araw na rin akong nasa mansyon ni Alexandro—isang marangyang tahanan na hindi nalalayo sa buhay na kinalakihan ko noon. Malalawak na hallways, mamahaling muwebles, at mga chandeliers na tila hinubog sa purong ginto. Pero tulad ng dati, pakiramdam ko’y wala akong kalayaan.
Oo, ligtas ako dito. Wala si Benedict. Wala ang anino ng aking nakaraan. Pero sa kabila ng lahat, may bahagi sa puso ko ang hindi mapakali.
Kailangan kong malaman ang totoo.
Gamit ang pagkakataong mag-isa ako, sinimulan kong libutin ang buong mansyon. Walang kahit isang bantay ang humarang sa akin—tila ba alam nilang hindi ako lalayo, na hindi ako makakatakas kahit gustuhin ko.
Ilang oras akong naglibot, hanggang sa mapadpa
