اكل الحرام

روايه اكل الحرام البارت الاول

انا اسيل هعرفكم بنفسي .

اسمى اسيل عندى ٢٥ سنه و اخويا محمد عنده ٨ سنوات و بابا و ماما

بابا رجل اعمال عنده شركات استيراد و تصدير

احنا اسىرة غنيه جدااا

عايشين حياه طبيعيه جدا ماما وبابا مبسوطين مع بعض في حياتهم

و اخي في مدرسته و انا خلصت كليه تجاره و بشتغل مع بابا في الشركه

لحد ما فى يوم حصل ال غير حياتنا

.

والدتي دخلت صحتني من النوم الصبح قالت لي قومي يلا بقى يا ايسل قلت لها ليه يا ماما قالت لي عايزه اوصيكى علي شويه حاجات كده تعمليها قبل ما امشي قلت لها ليه هو انت رايحه فين يا ماما قالت لي هسافر انا و باباكى عنده شغل في اسكندريه قلت لها ماشي يا ماما سافروا بالسلامه قالت لي خلي بالك من اخوكى و خلي بالك من مواعيد دروسه ويروح مدرسته احنا هنغيب اسبوع قلت لها تمام يا ماما ما تقلقيش علينا

باستني انا و اخويا و حضانتنا و استودعتنا عند ربنا و سافرت هي و بابا

.

بعد ساعه بالضبط تليفوني رن

رديت الو ايوه مين قال لي والدك و والدتك عاملوا حادث على الطريق صرخت باعلى صوتى و قلت له هما حصل لهم حاجه طب هما فيهم حاجه قفلت معاه و نزلت بسرعه ركبت عربيتي و جريت ع المستشفى

وصلت المستشفى سالت على ماما وبابا قالوا لي البقاء لله

اغمى عليا من الصدمه مش فاكره ايه ال حصل بعدها

فوقت على صوت اعمامي اللي ما شفتهمش من سنين بيهدوا فيا و بيقولوا لي اهدي احنا جنبك و معاكى

انا اصلا لا باحبهم و لا هما بيحبونا

.

كل ده و انا حاسه ان انا في حلم و عماله ادعي رربنا و اقول يا رب يكون ده كابوس و اصحى منه

.

جت عمتى سهام تهدى فيا و تحضنى و انا اصلا مشوفتش عمتى دى من سنين

و خالتى دينا ٱخت امى الوحيده طبعا مسبتنيش

و بنت خالتى ريم

.

بابا و ماما اتدفنوا خلاص مش هشوفهم تانى خلاص السند راح خلاص بقيت لوحدى فى الدنيا

خلاص انا و اخويا اتيتمنا .

.

دينا . انا هعيش معاكوا انا و ريم هنا فى الفيلا مش هسيبكوا تعيشوا لوحدكوا

اسيل . تنورينا يا خالتو انتى و ريم

عاشوا كلهم فى الفيلا مع بعض. .

. بعد اسبوع من وفاه والدها و والدتها

دينا . قومى بقا يا اسيل انزلى شوفى شركتك يا حبيبتى

اسيل . مش عايزه اروح يا خالتو هاروح هتعب اكثر و هفتكر بابا

دينا . انت قويه يا حبيبتي لازم تستحملي مسؤوليتك و مسؤليه اخوكى الشركه دي لازم تفضل واقفه على رجليها زي ما كان ابوكى الله يرحمه

كان ب يمشيها انتى كمان تمشيها

اسيل . حاضر يا خالتو هنزل اروح اهو

دينا . انا هنزل اقول لام عبده تجهز الفطار

. دينا نزلت ندهت لام عبده قالت لها جهزى الفطار

. قاعدوا كلهم على الترابيزه فطروا .

محمد . ماما وبابا وحشوني قوي عايز اشوفهم نفسي اروح لهم

اسيل . بعد الشر عنك يا حبيبي هو انا ليا مين غيرك يعني يا محمد ليه بتقول كده انا عايزاك يا حبيبي تركز في مذاكرتك زي ما كان ماما نفسها تشوفك دكتور لازم تذاكر كويس عشان تكون اشطر دكتور وتحقق حلم ماما الله يرحمها

. قم تعالي في حضني

حضنوا بعض و فضلوا يعيطوا هما الاثنين .

دينا . بس بقى يا اولاد حرام عليكم

الباب خبط

ام عبده راحت فتحت الباب .

اعمام اسيل هما ال جم .

اسيل . اتفضل يا عمو سامي اتفضل يا عمو خالد

سامى . احنا مش جايين نضايف احنا جايين نعرفك كلمتين

خالد . الشركه اللي ابوكى استولى عليها زمان و ضحك على ابونا وخلاه يكتبهاله باسمه لوحده بحجه ان هو الكبير و هيخلي باله من اخواته الاصغر منه لكن طلع ندل و خائن و استولى على الشركه كلها لوحده بعد ما بابا مات

اسيل . اخرس ما تغلطش في بابا بابا اشرف منك ومن امثالك امشي اطلع بره

خالد . انت بتشتميني يا بنت الكلب ما انت صحيح بنت حرامي ما اكلك حرام

اسيل ب صريخ . امشي اطلع بره من هنا خرجوا مش عايزه اشوفوا

سامى . ب تطردينا يا اسيل و الله ما هنسيب حقنا

اسيل . كل اللي يهمكم الفلوس و الورث حسبي الله و نعم الوكيل فيكم امشوا من وشي مش عايزه اشوفكوا في بيتى تانى

خالد . و الله ل ندفعك ثمن اللي بتعمليه فينا ده غالي

دينا . لو سمحت يا استاذ خالد انت و استاذ سامي اتفضلوا اطلعوا بره من غير مطرود البنت اعصابها تعبانه مش مستحمله حاجه

خالد . اختك قوت اخونا علينأ زمان و انتى جايه دلوقتى تقوى بنت اخونأ علينا طول عمركوا عايشين فى خيرنا انتى و اختك بس خلاص احنا فوقنا و حقنا هناخده

اسيل ب صريخ . اطلعوا بره يا لماااامه

.محمد واقف ل وحده بعيد على جنب ب يعيط و خايف .

اخته شافته راحت حضنته وقالت له ما تخافش يا حبيبي انا معاك و مش هاسيبك

. خالد و سامي مشوا .

خالد . البنت دي ما طلعتش طيبه زي ما كنت فاكر

سامى . دى تربيه سليم النجار عايزها تطلع ايه يعنى

خالد . تفتكر ممكن حد يشك فينا ان احنا السبب فى الحادثه بتاعته و ان احنا ال مدبرنها

سامى . ما تقلقش يا خالد و ما تفتحش الموضوع ده ثاني بقى الموضوع ده صفحه و اتقفلت خلاص

خالد . كل ما افتكر و انا صغير بعد ما بابا مات و هو استولى على كل حاجه هو و مراته و انا و انت واختك نائمين في البيت جعانين مش لاقيين لقمه ناكلها و هو مستولي على فلوسنا هو و الست هانم مراته و مش سائل فينا قلبى ب يولع اكثر و نفسي اعمل في اولاده اللي عمله فينا زمان

سامى . اصبر انت بس و الله لةناخد حقنا منه تالت و متلت

خالد . احنا لازم نفكر فى خطه نخلص بيها من اسيل

لان البنت دى طالعه شبه ابوها تربيته

سامى . هنقتلها يعني زي ما قتلنا ابوها و امها خلاص بقينا قاتلين قتله انا مش عارف ايه ال خلانى اطاوعك فى حاجا زى كده انا ازاى سمعت كلامه

خالد . انت جاى دلوقتى تقولى كده بعد ما عملناها

سامى . انا حلمت امبارح ب ابويا الله يرحمه عطينى ظهره و مش راضي يبصلى هو اكيد زعلان منى

خالد . و مزعلش ليه من اخوك على ال عمله معانا

جمد قلبك متبقاش ضعيف

. نكمل أن شاء الله البارت الجاى .