Tirik na tirik na ang araw ng makarating kami sa daungan ng katabing isla. Hindi naman kami nainitan dahil may atip naman ang sinakyan naming bangka.
Mukhang mas malawak ang Islang ito dahil maraming tao sa mismong pier. Maingay din ang paligid at maraming naghahanap buhay sa tabing dagat.
"Ma'am, sir baka gusto niyo po itong bilhin. Mura lang po." nakangiting wika ng isang batang lalaki habang may bitbit na balde na may lamang isda.
"Pasensya na, hindi kasi namin pwedeng dalhin iyan dahil sa Isla Corazon pa ang pupuntahan namin eh." seryosong saad ni Cadmus at hinawakan ng mahigpit ang aking kamay.
"Ay ganoon ho ba? Ayos lang ho, ingat po kayo ng asawa niyo sir!" masiglang wika ng bata at lumapit sa ibang kasamahan namin. Napangiti ako sa sinabing iyon ng bata bago nagpatuloy sa p
