NAGISING si Isabella nang makaramdam ng matinding uhaw. Kumikirot ang kanyang nanunuyong lalamunan. And there was only one thing that she needed to quench the thirst. Blood… she needed more of it.
Nang idilat niya ang mga mata, nasorpresa siya nang matagpuan si Claude na payapang natutulog sa kanyang tabi. Nakaunan ang kanyang ulo sa braso ng binata habang ang isang braso nito ay mahigpit na nakayakap sa kanyang baywang na para bang hanggang sa pagtulog ay nag-aalala itong makawala siya. Never had she seen Claude sleep before. And never had they been this intimate before.
Pakiramdam ni Isabella ay may kung anong malaking bagay na nagbara sa kanyang lalamunan habang pinagmamasdan ang binata. She had almost forgotten that her best friend was this… beautiful. Nang una niyang makita ang mukh
