Nabigla pa ang dalaga nang may biglang kumatok sa pintuan ng kanyang kwarto. Dali-dali siyang tumayo at pinagbuksan ang kung sino man 'yon. Natigilan siya nang makita ang seryosong mukha ni Leon, ang mga asul nitong mata na tila nangungusap, ang mga labi nito na kumibot ng maliit nang makita siya. Kapwa sila natigilan at nagtitigan na tila silang dalawa lamang ng mga oras na 'yon.
"Hey!" Halos mapasigaw si Vexie nang magsalita si Alexus na nasa pagitan pala nila. Nakatingala ito sa kanya at malawak ang pagkakangiti. "Tulala ka na naman Yaya Vexie," anito at humagikhik. Namula ang buong mukha niya sa sinabi nito. Sino ba naman ang hindi matutulala tuwing makikita si Leon? Gosh! Breathtaking ang physical na anyo nito.
"He's looking for you," anang baritonong tinig. Hindi niya tinignan si L
