NAKAPANGALUMBABA lang si Archie sa may veranda nang makita niya si Hyanlie mula sa hardin na kasalukuyang nagdidilig ng mga halaman kung anong oras ito dumating ay hindi niya alam. Siguro ay mahimbing pa siyang natutulog. Nakangiting kumaway ito sa kaniya kaya kumaway din siya pabalik dito. Nagsalubong ang kaniyang mga kilay nang bigla itong pumasok sa loob ng bahay. Nagkibit balikat siya. Baka naman may magagawa o nakalimutan.
Alas-9 na ng umagang ‘yon. Mahimbing naman siyang nakatulog nang nagdaang gabi dahil pagkatapos nang naging tagpo nilang dalawa ni Chase ay hindi na ito nagpakita pa sa kaniya. Not that she wanted to see him too dahil naiinis pa rin siya sa ginawa nitong basta na lang paghalik sa kaniya anumang oras na gustuhin nito. Isa pa hindi na rin naman siya nag-abala pa
