"BAKIT ba ayaw mong tanggalin ang sunglass– Chase!" sigaw ni Archie nang umiwas ang lalaki nung akmang kukunin niya ang salamin nito sa mata. Kaninang umaga pa sila nakauwi sa kanilang bahay dahil sa bahay ng mga magulang niya sila natulog ng nagdaang gabi. Iyon ang gusto ng lalaki matapos ng naging tagpo nilang dalawa sa bubong ng dati niyang bahay.
Kanina pa niya ito kinukulit na alisin na nito ang suot na itim na salamin. Nagtataka siya dahil mula ng dumating ito sa kanilang bahay isang oras na ang nakakalipas ay hindi pa ‘yon hinuhubad ng lalaki gayong nasa loob na naman ito ng kanilang bahay. Wala na rin namang araw sa labas at mas lalong wala sa loob ng kanilang bahay.
Gusto niyang tawanan ang sarili. Kahapon lang ay buo na ang desisyon niyang makipaghiwalay dito, she thought sh
