7. Demonyo
KAILANGAN MONG PATAYIN ang mga sarili mong demonyo at diyos para makasulat ka. Ito ang unang aral na isinapuso ni Daniel, bagaman hindi na
niya maalala kung paano ito dumating sa kaniya. Kung narinig ba niya sa ibang manunulat sa mga lecture na dinadaluhan niya, o nabasa niya sa aklat ng mga ito. Basta’t nang naunang dumating
ito sa kaniya, tinanggap niya ito nang maluwag sa loob sapagkat naniwala siyang totoong-totoo ito, kahit malabo sa kaniya noon kung ano ang ibig niyang sabihin ng totoong-totoo. Alam niyang hindi
naman totoo, na talagang diyos at demonyo ang ibig nitong sabihin. Siyempre, alam niya noong talinghaga lang iyon para sa ibang bagay. Kung talinghaga ng ano, iyon nga ang hindi pa niya tiyak
noon.
Kung gayon, maaaring iisa lang talaga ang demonyo at diyos ng
