Chapter Thirty Two
Kinabukasan. Undas. Umaga palang ay nagpunta na sina Viola sa sementeryo kasama ang kanyang pamilya. Dinalaw nila ang puntod ng kanyang mga lolo at lola. Pagsapit ng hapon ay sinundo siya ni Rupert para pumunta sa ibang sementeryo.
Lumakad sila patungo sa isang puntod sa gawing dulo ng malawak na lupain.
"Mama..." agad na sambit ni Rupert pagkalagay palang nito ng dalang bulaklak. Tinulungan niya itong magtulos ng kandila. Naging mellow dramatic tuloy ang atmosphere. Walang umiimik. Senti mode.
"Hello po tita. New friend po ako ni Rupert. Wag po kayong mag-alala nasa mabuting kamay po siya. Medyo may mission nga lang po kami. Partners in crime po. Hunters. Pero hindi ko po siya ipapahamak." Siya na ang bumasag sa katahimikan kumindat pa siya sa dulo.
