Lisa POV
Hindi umalis ang mommy niya hanggang sa pumasok na si Fier papuntang office. Dahil sa ‘di inaasahan na pagpunta niya dito– na bago lahat ng plano namin. Nai-ilang ako ngayong nandito siya sa bahay, nakaupo, pinagmamasdan bawat galaw ko. Sa totoo lang, wala naman ako gagawin, nagbu-busy-busy-han lang! Malinis na ang buong bahay. Wala din labahin. Kaya ito ako, mainit ang pakiramdam ko sa likod ko dahil nga nandito siya at nasa akin ang mga mata.
Pang ilang punas ko na ba ito sa lamesa at counter? Tsk! Mababakbak na ang kulay nito kakapunas ko.
“Hija,” tawag niya sa akin mula sa sala. Nakasindi ang TV doon habang umiinom siya ng kape.
“B-bakit po?” Ipinunas ko ang kamay ko sa suot kong leggings bago lumapit sa kanya. Tahimik lang siyang nakatingin sa TV.
Tinapik niya ang katabi
