“ATENG, ang guwapo naman pala ni Dragon. No wonder na tinamaan ka—” komento kay Riya ni Damian nang ganap na silang makalayo kina Ethan at Liby.
“Anong—teka nga. Ano ba’ng ginagawa n’yo rito?” tanong niya sa mga kaibigan matapos lingunin ang magtiyo na noon naman ay patungo sa kabilang bahagi ng garden.
“Haller! Hindi ba obvious?” Tumigil ang bakla niyang kaibigan sa paglalakad saka siya tiningnan nang may pagtataka.
“Lutang pa ang ateng natin, bakla!” natatawang sambit naman ni Nica.
“Ay naku! Loka ka, ateng, ha! ‘Lika nga!” Excited silang iginiya ni Damian na umupo sa isang wooden arbor bench at pinaupo roon habang nanatili namang nakatayo ang dalawa at kapwa nakahalukipkip pa.
“Ano nga’ng ginagawa n’yo rito? At anong himala at nagsabay kayo ng off?” nagtataka niyang tanong sa dala
