Monica
Ang daming bumabagabag sa puso at isip ko. Pakiramdam ko ay bumalik lahat ng sakit na pinaranas sa akin ni Marcus noon.
Sobrang sakit nang malaman kong nagtaksil sa akin si Vincent. Sawang sawa na ako sa ganitong pakiramdam. Paulit ulit na lang na parang hinihimay himay ang puso ko. Paulit ulit na lang..
May natira pang tatlong araw sa leave na naiFile ko. Mas pinili kong manatili sa mansyon para makapagpahinga.
Nasa Japan pa sana kami ngayon at nagsasaya.. pero wala na eh.. sa isang iglap. Nawala lahat ng tiwala ko kay Vincent.
Nakaupo ako sa may garden ng masyon habang nakatanaw ako sa mga tanim naming Eugenia plants na animoy sumasayaw sa saliw ng ihip ng hangin. Panay ang buntong hininga ko.
Nakahawak na rin ako sa aking ulo dahil parang binibiyak ito sa dami ng iniisip k
