احببته دون أن اشعر

الفصل الثالث 3

بسم الله الرحمن الرحيم

و به نستعين

ياربي علمني أن لا اضيق واحزن

عندما اريد أمرا ولم ترد له أن يتحقق

علمني ان لا اتعب نفسي حينها ياربي

علمني ان اسعد باختيارك وانتظر عوضك الجميل

-----_----

الفصل الثالث 3

وبعد ما داخلت كيران اوضتها وشهد كانت في المطبخ وطلعت علي صوت فتح الباب

شهد:- فين كيران

فريده:- كيران داخلت الاوضه يا ماما علشان كريم زعقلها واتعصب عليها علي سبب تافه أوي

كريم بعصبيه:- انتي شايفها حاجه تافه

شهد:- فيه ايه فهموني

فريده:- يا ماما كيران عجبها فستان.......وحكت كل حاجه

فريده :- هو ده اللي حصل واللي الاستاذ كريم زعقلها علشان حاجه ملهاش لذمه قوليله حاجه بقاا

شهد:- كريم اللي عملتوه ده هو الصح وانتي يا ا**ه فريده هو عمل كده علشان مينفعش تخرج بيه ماشي والا انتي عايزها زاييك كل حاجه عادي

فريده:- يعني انا غلطانه علشان زعلانه عليها انها بتعيط ماشي انا داخله اوضتي علشان البس وامشي

كريم:- يا عمتو انا عملت كده علشان م...

قطاعته شهد:- وأنا قولتلك عملت الصح يبقاا خلاص هي شويه وهتطلع متخافش انت عارف انها بتزعل بسرعه وتتراضه بسرعه _ انا داخله انام شويه علشان عندي صداع لانها مش هترضه تفتحلي

كريم:- انا هروح اصالحها بطريقتي

شهد:- روح بس صوتكم هيعلا هولع فيكم ماشي

كريم:- هههههههه ماشي

_ داخلت شهد الاوضه بتاعتها وقفلت الباب وفريده كانت في اوضتها بتحضر نفسها للحفله وكيران كانت قعده بتعيط وزعلانه من طريقة كريم في الكلام معاها ولقت الباب بيخبط مسحت دموعها بسرعه

كيران:- مين بيخبط

كريم:- .......

كيران :- مين _ وراحت فتحت الباب لقيته كريم جت تقفل الباب كريم مسكه

كريم ببرود :- ممكن ادخل يا كوكو

كيران:- لاا مش ممكن علشان هنام

كريم:- شكرا يا كوكو _ وزقها وداخل قعد علي حرف السرير

كيران:- بس انا قولت عايزه انام مش قولتلك تدخل

كريم :- بجد يعني انا سمعت غلط

كيران:- ياريت تبطل رخامه واستعباط يا كريم ويلاا اخرج

كريم:- انا اسف

كيران:- بتعيط

كريم وقف قصدها :- انا عارف اني زعلتك بس والله غصب عني اضيقت علشان الفستان بحملات و عريان يعتبر وانتي عايزه تلبسيه

كيران بدموع :- بس كانت طريقتك وحشه وقولتلي لمي نفسك ديه كلمه تتقال - وكانت بتتكلم و وشها اتملا دموع

كريم:- انا اسف وانا عارف اني زعلتك ولو مش عايزه تسمحيني قولي عايزه اعمل ايه وانا هعمله وكان زعلان لانه زعلها وهو خارج من الاوضه

كيران:- كريم

كريم لف ليها:- نعم

كيران:- انا أصلاً مش زعلانه منك

كريم بابتسامه:- بجد طيب كنتي بتعيطي ليه

كيران:- انا زعلت من طريقة كلامك وانت اول مره تكلمني كدا

كريم:- الحمد لله اني صلحتك قبل ما امشي عايزه حاجه

كيران:- رايح فين

كريم:- انا مراوح علشان الكليه كفايه كده وكمان طالع رحله معاهم

كيران:- اااااه يبقا علشان الرحله مش الكليه

كريم:- يعني في حد يسيب رحله وما يطلعش خصوصاً مع الكليه يعني في بنات حلويين كمان هاروح اداور علي عروسه

كيران:- رايح تدور علي عروسه كويس والله

كريم:- ايه رائيك تيجي معايا وتختاري العروسه انتي

كيران:- انا مالي هو انا اللي هتجوزها

كريم:- علشان زعلتك يبقا اخراجك ثانيه اروح لشوشو اقولها

كيران:- لاا مش هاروح

كريم:- لاا هتروحي _ وطلع من عندها

كيران بزعيق:- كريم بلاش عنادك ده _ وراحت وراه وكانت شهد طالعه من الاوضه

كريم :- كويس انك صاحيه يا شوشو

شهد:- خير في ايه

كريم:- انا طالع راحله مع الكليه بكره رايحين شرم يومين وعايز اخود كيران معايا

شهد:- لاا مش هقدر انت عارف اني بخاف عليها علشان هي مش بتعرف تتصرف ولا تتكلم مع حد

كيران:- لاا انا مش هاروح اصلا

كريم:- بس يا بت انتي _ انا معاها يا شوشو وانتي خايفه عليها

شهد:- يابني والله انا عايزاها تتفسح زاي البنات وتروح وتيجي لكن

كريم:- مالكنش انا هخدها معايا

شهد:- لما يجي عمك قوله

كريم:- اوك

كيران:- لاا مش هاروح هو بالعافية

كريم بطريقه مستفزه :- امشيي يابت من هنا شوفي انتي رايحه فين

كيران:- بت ف عينك يا رخم

كريم:- هخليكي تعيطي _ فريده خرجت من الاوضه وهي لابسه

فريده:- انا ماشيه سلام

شهد:- ما تتاخريش الساعه6 دالواقتي الساعه8 تكوني جيتي

فريده:- حاضر يا ماما _ وخرجت فريده وشويه ويوسف واحمد جوم وحضرت شهد وكيران الأكل وكريم كان بيحطه علي السفره وقعدوا كالوا وكيران وكريم شالو الاكل وشهد عملت الشاي

كريم:- عمو كنت عايز اقولك حاجه

يوسف:- قول يا كيمو

كريم:- انا طالع راحله مع الكليه وعايز اخود كيران معايا وياريت تقبل

يوسف:- انت عارف يا كريم ان كيران مش بتعرف تروح في حته لوحدها

كريم:- لوحدها لكن انا معاها وهحطها في عنيا والله

يوسف:- رايحين فين

كريم:- شرم هما يومين تلاته

يوسف:- بشرط

كريم:- ايه هو

يوسف:- متسبهاش خالص وتخلي بالك منها

كريم:- شكرا يا عمو وانا مش هسبها خالص و احنا هنمشي الساعه 4 الصبح

--------

_ وعند فريده في الحفله وصلت وسلمت علي رانيا

فريده:- كل سنه وانتي طيبه يا قلبي _ واديتها الهديه

رانيا:- وانتي طيبة يا حبيبتي ويخليكي ليا _ تعالي كل اصحابنا هنا

_ داخلت فريده مع رانيا وسلمت عليهم

--------

في بيت يوسف

_ كريم راح لكيران خبط عليها وهي فتحت

كيران:- نعم عايز ايه

كريم:- انتي بتعملي ايه

كيران:- قاعده بذاكر

كريم:- يلا يا ماما جهزي الشنطه علشان هنمشي الساعه 4 الصبح

كيران:- انا مش هاروح في حته

كريم:- انا قولت لعمي وهو وافق يلا يا بت انجزي

كيران:- يااا بااااااباااا _ وراحت عند باباها و وراها كريم

كيران:- انا مش هاروح في حته يا بابا

كريم:- لاا هتروحي

يوسف:- روحي يا كيران واخروجي غيري جو مش هتخسري حاجه وانا سبتلك فلوس مع ماما ابقي خوديهم وانتي ماشيه يلا تصبحو على خير

كلهم :- تلاقي الخير

شهد:- الساعه9 وفريده مجتش لحد دالوا

ولقت الباب بيتفتح

فريده:- السلام عليكم

كلهم:- وعليكم السلام ورحمة الله

شهد:- لسه بدري يا هانم

فريده:- والله يا ماما مكملتش حاجه

شهد:- كنتي باتي عندها بالمره

فريده:- انا اسفه يا ماما معلش

شهد:- انا قلقت عليكي _ طيب روحي غيري وانا هحضرلك الاكل

فريده:- ماشي يا ماما _ وداخلت غيرت وطلعت وشهد جبتلها الاكل

شهد:- فريده يلا تعالي

فريده:- حاضر

شهد:- قومي يا كيران جهزي الشنطه

فريده:- هي رايحه فين علشان تجهز شنطيتها

كريم:- رايح انا وهي شرم يومين مع الكليه

فريده:- ازاي و كيران مش بتحب تروح في حته فيها شباب ولاا الدنيا اتغيرت

كريم:- هاروح انا وهي بالعربيه وهنكون ماشيين مع الباصات تيجي معانا

فريده :- لاا مش عايزه اروح صحابي قالولي وقولت لاا

_ رن كريم علي اصحابه وقاللهم انه هايروح بالعربيه بتعته وهيقا**هم الصبح وهما بيركابوا و كانت كيران جهزت شنطيتها وكانت هتنام خبط عليها كريم

كريم:- عمتي بعتتلك الفلوس ديه _ دالواقتي الساعه 10 نامي علشان هنمشي الساعه 2ص

كيران:- ليه اتنين مش قولت هنمشي 4ص

كريم:- انا مجهزتش حاجاتي هنروح عندنا نجهزهم ونطلع علي الكليه

كيران:- تصبح على خير

كريم:- وانتي من اهله

_ نام الجميع وصحيت شهد الساعه 1 علشان تصحي كيران وكريم

شهد:- كريم يلا قوم الساعه 1ص

كريم :- بسرعه كده

شهد:- خلاص خليك نايم

كريم:- دا انا صاحي ما نمتش _ فين كيران

شهد:- رايحه اصحيها

كريم:- طيب بسرعه علشان نمشى يا شوشو هنتاخر كده

_ راحت شهد صحت كيران وداخلت المطبخ تعملهم اكل قبل ما يمشوا خرج كريم من الاوضه وكيران كانت لسه في اوضتها وشهد حضارت الاكل ومستنياهم

كريم:- يلا يا كيران هنتاخر _ خرجت وكانت لبسه (بادي بنص لونه اسود وبنطلون لونه ابيض ورافعه شعرها ديل حصان)

شهد :- تعالي يلا علشان تاكلوا قبل ما تمشوا

كريم:- ده ايه اللي انتي عملاه ده

كيران:- عامله ايه مش احنا رايحين راحله

كريم:- روحي يا ماما ربنا يهد*كي غيري ولمي شعرك ده احسن ما اقصه

كيران:- انا مش رايحه انت من دالواقتي بتقول لاا امال هناك هتقعدني في الاوضه ومش هتخرجني _ انا هاروح اغير وانت امشي جت تقوم مسكها من دراعها وقعدها تاني

كريم:- طيب خلاص امري لله

شهد:- والله انتو مجانين كولوا يلا وخلاصوا في سندوتشات علشان الطريق

_ وخلصوا اكل وسلموا علي شهد وكريم شال شنطية كيران ونزلها حطها في العربيه وكيران كانت لسه فوق بتسلم علي فريده صحيت علي صوتهم وهما ماشيين واديتها شنطه

فريده:- دول شوية حاجات هتحتاجيهم هناك _ وكريم كان تحت فضل يزمر بالعربيه _ اخدت الشنطه من فريده ونزلت

كريم:- اموت واعرف كل ده بتعملي ايه الساعة 2:30

كيران:- فريده صحيت سلمت عليا وادتني حاجات ونزلت بس

كريم :- طيب حطي الحاجات ورا و راكبي _ حطيت كيران الحاجات و ركبوا راحو عند بيت خالها كريم جهز شنطيته وراحو عند اصحابه ونزل من العربيه وكيران فضلت منزلتش لان كان في شباب كتير وكانت خايفه علشان مش واخده علي الجو ده اتصلت علي كريم اول لما شاف رقمها جري بسرعه من بين اصحابه وفتح باب العربيه بكل خوف وقلق

كريم:- كيران مالك

كيران بخضه :- انت اللي مالك فتحت الباب كده ليه

كريم:- انتي رانيتي ليه

كيران:- انا خفت اقعد لوحدي وفي شباب كتيير

كريم:- حرام عليكي والله وقعتي قلبي وانتي كمان في العربيه ومحدش يقدر يجي جنبك أصلاً

كيران:- هنمشي امته الساعه 4:10

كريم:- هيركابوا دالواقتي اهم وماشيين

كيران:- الحمد لله انا ذهقت يلا أركب بقا

كريم:- انتي ذهقتي و خوف*ني انا

كيران:- خلاص يا كيمو مايبقاش قلبك اسود

كريم:- ماشي يا عم يا أبو قلب ابيض

_ واتجمع الكل وركبوا وكريم وكيران كانوا في العربيه ومشيوا معا الباصات

كيران:- يس يس ياااس

كريم بابتسامه:- ايوه ناس مكنتش عايزه تروح دالواقتي هتموت من الفرح

كيران:- هههههه اكيد مش انا طبعاً

كريم:- لاا لسمح الله دا انا

كيران:- شغل اغاني حلوه

كريم:- حاضر _ شغل اغاني وكان بيشاور لااصحابه وهما كمان وكان الكل فرحان معاده شخص واحد كان هيموت من الغيظ والغيره في الباص و تلفون كريم رن قفل الكاسيت

كريم :- الو

الشخص :- الو يا كريم انا اشراقت

كريم:- اه اهلا واسهلا يا اشراقت

اشراقت:- انا اتصلت علشان أسألك ليه مش ركبت معانا الباص

كريم:- معلش المره الجايه وكلنا هنتقابل هناك

اشراقت:- طيب سلام

كريم:- وعليكم السلام

كيران بضيق وتغير ملامح :- مين ديه

كريم:- بنت في المدرج معايا لكن ليه بتسالي

كيران:- لا عادي _ وقالت لنفسها وانا مالي صح بسال ليه وشويه ونامت وبعد فتره وصلوا القريه وكله طلع علي مكانه وكريم حجز لي كيران اوضه لوحدها وهو راح الاوضه اللي جنبها مع صاحبه لؤي تبع الجامعه

---------

✍️

منار عبد الرحمن (مونه)