Chapter 7: Sorry
"Ayos ka lang girl? Oh ito tubig." Inilapag ni Mary ang isang basong tubig sa aking harapan. Sunday ngayon kaya sarado ang munisipyo.
Malungkot akong ngumiti sa kaniya, nakita kong nakatingin siya sa akin habang may awa ang mata.
"Huwag mo nga ako tingnan ng ganyan Mary, ayos lang ako," usal ko.
Napabuntong hininga ako habang naisip ko na naman ang nangyari kagabi. Hindi ako nakatulog iyak lang ako ng iyak. Ilang beses akong kinatok sa kwarto ni Kairon pero hindi ko siya kayang harapan sobrang sakit ng sinabi niya sa akin.
Hindi ko alam na gano'n na ang tingin niya sa akin.
"Nakakainis naman kasi 'yang Damond na iyan! Dahil sa kaniya nag-aaway kayong mag-asawa!" inis na wika ni Mary.
Bumaba ang tingin ko sa singsing ko. Nanuyo ang lalamunan ko habang paulit-ulit kon
